Dopinqə görə ağır cəza aldı
Məşhur braziliyalı futbolçu Qabriel Barboza ağır cəzalanıb. “Flamenqo”nun hücumçusu iki il müddətinə futboldan uzaqlaşdırılıb.
Braziliyanın Dopinq Nəzarəti Təşkilatının yaydığı məlumatda 27 yaşlı futbolçunun dopinq testi zamanı qayda pozuntusuna yol verdiyi bildirilib. “Qabiqol” ləqəbli futbolçunun cəzası 8 aprel 2023-cü il tarixindən hesablanacaq.
Amma o, sosial şəbəkə hesabındakı açıqlamasında günahsız olduğunu bildirib:
“Mən heç vaxt hər hansı testə mane olmağa və ya saxtakarlığa cəhd etməmişəm. Futbolçu kimi karyerama başlayandan bəri həmişə oyun qaydalarına əməl etmiş və heç vaxt qadağan olunmuş maddələrdən istifadə etməmişəm. Haqqımda çıxarılan qərara görə məyusam, lakin idman orqanları ilə əməkdaşlığı davam etdirəcək və təqsirsiz olduğumu sübuta yetirəcəyəm”.
Qeyd edək ki, Braziliya millisinin də üzvü olan Barboza yığmada 18 oyuna 5 qol vurub.
Digər xəbərlər
