“Artıq hər kəsə məlumdu ki, AFFA-nın yeni rəhbəri kim olacaq. Yeni rəhbərliyin gəlişi ilə yeni komandanın formalaşması gözləniləndi. Buna görə də böyük dəyişikliklərin olacaqını fikirləşirəm. Təbii ki, İcraiyyə Komitəsi hər bir dövrdə işlək mexanizm kimi fəaliyyət göstərməlidi, cünki futbolumuzla bağlı qərarları məhz bu qurum müəyyənləşdirir. Təbii ki, həmin insanların müzakirələrdə fəal iştirakı çox önəmlidi. Yəni iclaslarda yalnız iştirak xatirinə iştirak etməklə hansısa irəliləyişə nail olmaq mümkünsüzdü. İcraiyyə Komitəsindəki futbol adamları da dəyişib. Əvvəl burda İsgəndər Cavadov, Vaqif Sadıqov, Kazbek Tuayev var idi, indi həmin adamlar yoxdu. Bu dəfə heyətdə Qurban Qurbanovla Səməd Qurbanov yer alacaq. Mənə görə Qurban Qurbanovun - futbolumuzun inkişafında böyük rolu olan təcrübəli mütəxəsisin İcraiyyə Komitəsində yer alması çox önəmlidi. Əsas yükü çiyinlərində daşıyan şəxs məhz bu olacaq. Əlbəttə, futbol adamların daha çox olması yaxşı olardı. Amma əsas məsələ kəmiyyətdən daha çox keyfiyyətdi. İnanıram ki, yeni rəhbərliyin gəlişi ilə futbolumuza yeni nəfəs gələcək, İcraiyyə Komitəsi daha işlək mexanizim olacaq. İK-dakı yeni simalar futbolumuzun inkişafında, irəli getməsində pay sahibi olacaqlar”.

“Artıq aydın məsələdi ki, aprelin 2-də Rövşən Nəcəf AFFA-nın yeni prezidenti seçiləcək. Rövşən Nəcəfə bu cətin, məsuliyyətli işdə uğurlar arzulayıram. Məncə, yenilərin daha çox olması futbolumuza xeyir gətirə bilər. Futbol adamlarına AFFA qucaq açmalıdı, onların məsləhətlərinə ehtiyac duymalıdı. Futbol camiəsi yumruq kimi birləşməlidi. Bunlar olmasa, istəyirlər 15-30 nəfəri dəyişsinlər, yenə də xeyri olmayacaq. Əsas odu ki, gələn adamların Azərbaycan futboluna canı yansın. İtirilmiş 15-20 ili geri qaytarmaq çox cətin olacaq, amma ən azı qarşıdakı 10-15 il çox önəmli fürsətdi. Bu mənada İcraiyə Komitəsi çox səmimi olmalıdı, futbol ictimaiyyətini dinləməlidi, yəni özbaşına qərar qəbul etməməlidi. Xüsusən də futbol ictimaiyyətinin rəyi çox önəmlidi bu məsələdə. İcraiyyə Komitəsinin üzvlərinə baxdım. Namizədlər sırasında Ceyhun Sultanovu, Rəşad Sadıqovu, “Zirə”nin prezidenti Taleh Nəsibov kimi futbol adamlarını görmək istəyərdim. Futbolumuzu futbol adamları, futboldan gələn adamlar xilas edə bilər. Güləşdə Azərbaycana böyük uğurlar qazandıran, sevindirən, fəxr duyulası adamlar, yəni başqa idman növlərinin adamları futbolda olmamalıdı. Milli komandalarımızın təşkili, futbol sektorunda çatışmazlıqların aradan qaldırılması, düzgün inkişaf strategiyası başlanğıcın təməli olar. İcraiyyə Komitəsinə yeni gələnlər futbola can yandırmalıdı, vətənpərvər olmalıdı, ölkəsini sevməlidi. Öz ölkəsini sevən və futbola can yandıran federasiya rəhbərliyi, İK üzvü həmişə daha çox can yandırar. Bundan əvvəl qeyd etdiklərim də təsdiqini tapsa, futbolumuzda, milli komandalar, çempionat səviyyəsində istədiyimiz nəticəyə gəlib çıxa bilərik”.