“Qarabağ” dünən “Kəpəz”i məğlub edib tarixində 11-ci çempionluğu qazanmaqla cari mövsümün əsas sualına aydınlıq gətirdi. Ancaq başqa açıq suallar da var ki, qalan komandalar cavablamalıdı.

Bu gün və sabah keçiriləcək oyunlarla Misli premyer-liqasında 28-ci tura yekun vurulacaq. Həmişə olduğu kimi, yenə də “CBC Sport” oyunları canlı yayınlayacaq.

Misli premyer-liqası
4-cü dövrə, 28-ci tur
31 mart
Sumqayıt – Araz-Naxçıvan 1:0
Kasimir Ninqa, 7
“Sumqayıt”ın bu rəqiblə ev oyunlarının balansı: 1:+1=0-0.
2023/24 – 2:0.
Cəzalılar: Vüsal Şabanov, Numan Kurdiç (hər ikisi “Araz-Naxçıvan).
“Futbol+”in proqnozu: 40-40-20.
Hakimlər: KAMRANBƏY RƏHİMOV, Şirmamed Mamedov, Zöhrab Abbasov, Əli Əliyev.
Hakim-inspektor: Barış Şimşək.
AFFA nümayəndəsi: Elgiz Abbasov.
Sumqayıt. Mehdi Hüseynzadə adına şəhər stadionu. Saat 18.00.

4-cü dövrə “Sumqayıt” üçün asan keçməyəcək. Avrokuboklara vəsiqəyə iddialı görünən “kimyaçılar” bütün oyunları son şans kimi dəyərləndirməlidi. Samir Abasov komandasını çox yaxşı hazırlamalı və bütün ehtimalları nəzərə almalıdı. “Doğma divarlar” arasında qazanılacaq qələbə qalan oyunlara ümidlə baxa bilmək üçün təməl rolunu oynayacaq. Bu ehtimalı artıran məqam rəqibin çətin dönəmini yaşayan “Araz-Naxçıvan” olmasıdı. Azər Bağırovun işi çətindi. Sürətlə autsayderlər sırasına yuvarlanan Muxtar Respublika təmsilçisi özünə gəlməlidi. Hər halda, növbəti xal itkiləri “qırmızı-ağlar”ın ilk “dördlük”dən əlini üzməsinə səbəb olacaq.

Bu komandalar indiyə qədər 3 dəfə üz-üzə gəlib. Bunların 1-də “kimyaçılar” qələbə qazanıbsa, 2-də hərəyə 1 xal düşüb. Topların nisbətində “Sumqayıt” öndədi – 4:2.

30 mart
Səbail – Turan Tovuz 1:1
Pedro Nuno, 21 - Fərid Nəbiyev, 45+4-p.
“Səbail”in bu rəqiblə ev oyunlarının balansı: 3:+1=1-1, 3:3.
2022/23 – 0:1, 1:1. 2023/24 – 2:1.
Cəzalı: yoxdu.
“Futbol+”in proqnozu: 40-40-20.
Hakimlər: RƏVAN HƏMZƏZADƏ, Cəmil Quliyev, Teymur Teymurov, Fərid Hacıyev.
Hakim-inspektor: Babək Quliyev.
AFFA nümayəndəsi: Asif Əliyev.
Bakı. “ASCO Arena”. Saat 16.30.

Sabah – Zirə 0:1
Ruan Renato, 24
“Sabah”ın bu rəqiblə ev oyunlarının balansı: 10:+4=3-3, 13:13.
2018/19 – 2:1, 0:3; 2019/20 - 2:2; 2020/21 – 0:1, 2:1; 2021/22 – 3:3, 3:1; 2022/23 – 1:0, 0:0; 2023/24 – 0:1.
Cəzalı: yoxdu.
“Futbol+”in proqnozu: 40-30-30.
Hakimlər: ELÇİN MƏSİYEV, Elşad Abdullayev, Pərvin Talıbov, Rauf Allahverdiyev.
Hakim-inspektor: Ömər Paşayev.
AFFA nümayəndəsi: Azər Əsgərov.
Bakı. “Bank Respublika Arena”. 19.00.

Komandalar Masazırdakı oyuna çox ciddi yanaşacaq. Çünki mövsümün sonuncu dövrəsinə qələbəylə başlamaq və hədəfə daha bir addım yaxınlaşmaq istəyirlər. “Sabah” cari “futbol ili”ni 2-ci pillədə başa vurmağa çalışır. Belədə Krunoslav Renduliçin yetirmələri xal itirməkdən çəkinməli və fürsətdən istifadə edib rəqibini yenməlidi. “Doğma divarlar” amilini, azarkeş dəstəyini və güc nisbətini nəzərə alsaq, favorit “Sabah”dı. Amma “Zirə” də qələbəyə ümid etməlidi. Son oyunlarda qaneedici nəticə qazanan, heyətini Araz Abdullayevlə gücləndirən qəsəbə təmsilçisi səfərdən əliboş dönməyə bilər.

Bu komandalar indiyə qədər 22 oyunda qarşılaşıb. Bunların 10-da “bayquşlar”, 6-da “qartallar” qalib gəlib. Topların nisbətində “Sabah” üstündü – 29:23.

1. Qarabağ 28 22 3 3 77-24 69
2. Neftçi 28 12 7 9 35-29 43
3. Zirə 28 11 9 8 22-18 42
4. Sumqayıt 28 11 9 8 27-32 42
5. Sabah 28 11 7 10 39-33 40
6. Səbail 28 10 8 10 40-42 38
7. Turan Tovuz 28 9 9 10 42-39 36
8. Araz-Naxçıvan 27 8 8 11 27-36 32
9. Kəpəz 28 7 6 15 30-53 27
10. Qəbələ 28 4 4 20 20-52 16

Bombardirlər: Olavio Juninyo (Qarabağ) – 17, Aleksandr Ramalinqom (Səbail) – 11.

KƏNAN BAHADIR