Bu gün Misli premyer-liqasında 4-cü dövrəyə, yəni 28-ci turun oyunlarına start verilib.

Üç gün ərzində keçiriləcək matçlar, təbii ki, “CBC Sport”un efirində canlı yayınlanacaq.

Misli premyer-liqası
4-cü dövrə, 28-ci tur
29 mart
Qəbələ - Neftçi 0:1
Kilan Lebon, 42.
“Qəbələ”nin bu rəqiblə ev oyunlarının balansı: 31:+9=7-15, 34:47.
2006/07 – 1:4; 2007/08 – 2:3; 2008/09 – 0:1; 2009/10 – 1:0, 0:0; 2010/11 – 0:2; 2011/12 – 1:0, 4:1; 2012/13 – 2:1, 1:1; 2013/14 – 1:2, 1:2; 2014/15 – 0:0, 1:3; 2015/16 – 0:1, 2:2; 2016/17 – 4:1, 1:0; 2017/18 – 2:1, 1:2; 2018/19 – 3:1, 1:3; 2019/20 – 0:3, 0:2; 2020/21 – 1:4, 2:2; 2021/22 – 1:1, 1:0; 2022/23 – 1:2, 0:0; 2023/24 – 0:2.
Cəzalılar: Bilel Auşeriya, İlkin Qırtımov (hər ikisi “Qəbələ”), Eddi İsrafilov (Neftçi).
“Futbol+”in proqnozu: 20-40-40.
Qəbələ. Şəhər stadionu. Saat 16.30.

Turun ilk oyunu Qəbələdə keçirilir. Bölgənin eyniadlı təmsilçisi “Neftçi”ni qəbul edəcək. “Qırmızı-qaralar” premyer-liqada qalmaq üçün son 9 matçda qəbələyə köklənməlidi. Vəziyyət elə gətirib ki, kollektivin məqsədə çatması öz əlində deyil. “Kəpəz”lə aradakı xal fərqinin “əriməsi” üçün möcüzəyə bərabər şanslar lazımdı. Bununla belə, komandanın əsas heyət oyunçularından ikisi cəzalıdı. Görünür, Kaxaber Sxadadzeni və futbolçularını çox çətin dövrə gözləyir. Onlar hər oyuna final kimi yanaşmalıdı. Sırf bu görüşdə isə nə bəxt, nə də real güc nisbəti “Qəbələ”nin tərəfindədi. “Neftçi” mövsümü 2-ci pillədə başa vurmaqda israrlıdı. Odu ki, bakılılar meydan sahiblərinə mərhəmət göstərmək fikrində deyil. Miodraq Bojoviç “Sabah”, “Sumqayıt”,

“Zirə” və “Səbail” kimi 2-ci yerə göz dikən rəqibləri qabaqlamağa məcburdu. Görüşün favoriti elə qonaqlardı.
Ümumiyyətlə, bu komandalar indiyə qədər 62 dəfə üz-üzə gəlib. Bunların 18-də “Qəbələ”, 30-da “Neftçi” qələbə qazanıb. 14 oyunda “sülh”qeydə alınıb. Topların nisbətində “ağ-qaralar” öndədi – 94:70.

Kəpəz – Qarabağ 1:6
Latir Fal, 90 - Julio Romao, 21, Olavio Juninyo, 51, 56, Abbas Hüseynov, 65, Elvin Cəfərquliyev, 69, Redon Cica, 88
“Kəpəz”in bu rəqiblə ev oyunlarının balansı: 28:+11=5-12, 42:30.
1992/93 – 2:1; 1993/94 – 4:1; 1994/95 – 4:1; 1995/96 – 3:1, 0:0; 1996/97 – 3:1; 1997/98 – 3:2; 1998/99 – 3:0; 1999/2000 – 1:1; 2000/01 – 2:1; 2001/02 – 2:1, 3:0; 2003/04 – 0:1; 2004/05 – 0:1; 2005/06 – 1:2; 2010/11 – 0:1; 2011/12 – 1:2; 2012/13 – 0:0; 2015/16 – 2:3, 1:2; 2016/17 – 1:1, 0:1; 2017/18 – 0:2, 0:1; 2022/23 – 0:1, 1:1. 2023/24 – 1:2.
Cəzalı: Patrik Andrade (Qarabağ).
“Futbol+in” proqnozu: 20-30-50.
Bakı. Tofiq Bəhramov adına Respublika stadionu. Saat 19.00.

“Kəpəz” nəinki Gəncədən, Qəbələ və Tovuzdan da didərgin düşdüyü üçün ev oyununu “Qarabağ”ın meydanında keçirməyə məcburdu. Belədə “sarı-göylər”in durumu çətinləşir. Üstəlik onların “qol silahı” Georgi Papunaşvili zədəsini sağaltmayıb. Yəni bu oyunda da meydana çıxmayacağı dəqiqdi. Belədə gəncəlilər onsuz da güclü rəqib qarşısına daha zəif şəkildə çıxacaq. Bununla belə, gəncəlilər “Qəbələ” ilə aradakı xal fərqinin artmasına nail olmalıdı. Adil Şükürovun yetirmələri azı bir xan qazanmaq istəyirsə, möcüzəyə inanmaqdan başqa yol yoxdu. Daha bir maraqlı məqam “Qarabağ”ın məhz bu tur çempionluğu təmin etmək istəyidi. Mümkün qələbə “köhlən atlar”ın ən yaxın izləyiciləri “Sabah”la “Neftçi”ni 29 xal qabaqlamasına imkan verəcək ki, bu da artıq çempionluq deməkdi.

Ümumiyyətlə, bu komandalar indiyə qədər 56 matçda qarşılaşıb. Bunların 14-də “Kəpəz”, 31-də “Qarabağ” 3 xala yiyələnib. 11 görüş heç-heçə bitib. Topların nisbətində “köhlən atlar” öndədi – 85:60.

KƏNAN BAHADIR