21 yaşadək futbolçular arasında AÇ-2025-in seçmə mərhələsi çərçivəsində keçiriləcək Azərbaycan - Ukrayna matçının hakim təyinatları açıqlanıb.

"Football-plus.az" xəbər verir ki, qarşılaşmanı Xorvatiyadan olan hakimlər briqadası idarə edəcək.

Matçın baş hakimi Dario Bel olacaq. Ona yan xətt hakimləri olan həmyerliləri Qoran Pataki və İvan Yaniç kömək edəcək. Dördüncü hakim funksiyasını isə Zdenko Lovriç yerinə yetirəcək.

Qeyd edək ki, Azərbaycan - Ukrayna görüşü martın 26-da saat 16.00-da "Azərsun Arena"da baş tutacaq.