25-ci turda “Səbail”i qəbul edən “Qəbələ” hesabda 2:0 öndə olarkən birbaşa qırmızı vərəqə ilə cəzalanan Lukas Afriko “qırmızı-qaralar”ı çətin vəziyyətdə qoydu.

Bu oyunun nəticəsi bəllidi: meydan sahibləri növbəti məğlubiyyətlə barışdı. “Qəbələ” rəhbərliyi acı məğlubiyyətə görə bəzi intizam tədbirlərinə əl atıb. Belə ki, Afriko ilə yanaşı, israilli legioner Gilad Abramov də cəzalanıb. Bu haqda bilgini klubun mətbuat katibi Asəf Zeynallıdan aldıq: “Afriko klubdaxili intizam qaydalarına görə cərimələnib. Premyer-liqada ilk qırmızı vərəqəsi idi, amma bundan əvvəl kubokda - “Araz Naxçıvan”la görüşdə də meydandan qovulmuşdu. Gilad Abramova gəlincə, qeyri-müəyyən müddətə əvəzedici komandaya göndərilib.

ELMİN İSKƏNDƏRLİ