“Mundo Deportivo”da Serxio Aquero ilə bağlı maraqlı xəbər yayılıb. İspaniya qəzeti onun tezliklə karyerasını bərpa edə biləcəyini yazıb.

"Football-plus.az" xəbər verir ki, ürəyindəki problemə görə 2021-ci ildə karyerasını başa vuran argentinalı hücumçu yaşıl meydana qayıda bilər. Ölkəsinin “İndependyente” klubu 35 yaşlı sabiq futbolçunun xidmətində maraqlıdı. Bundan əvvəl Aquero canlı efirdə kardioloqa zəng edərək meydanda 10-20 dəqiqə oyun keçirə bilib-bilməyəcəyini soruşmuşdu. Mütəxəssis ona fiziki hazırlığı yerindədisə, səhhətində heç bir problemin olmayacağı cavabını vermişdi.
“Mundo Deportivo”nun məlumatında Aqueronun “İndependyente”nin heyətində bir neçə oyun keçirə və nəhayət, futbolçu karyerasını başa vura biləcəyi bildirilir. Qeyd edək ki, o, məhz “İndependyente”nin yetirməsidi. Bu komandada 2003-06-cı illərdə çıxış edib. Sonra Avropaya gələrək “Atletiko” (2006-11), “Mançester Siti” (2011-21) və “Barselona”da (2021) çıxış edib.