Xoselunun növbəti mövsümə də “Real”da başlamaq şansı var.

Paytaxt klubunun onu Madriddə saxlayacağı xəbər verilir.

33 yaşlı hücumçu ötən yay hazırda İspaniya çempionatının 2-ci divizionunda çıxış edən “Espanyol”dan icarəyə götürülüb. Müqavilənin müddəti birillikdi. Lakin “Real” rəhbərliyi onu Madriddə saxlayacaq. “AS” qəzeti paytaxt klubunun baş məşqçisi Karlo Ançelottinin Xoselunun çıxışından razı qaldığını əsas gətirib. Bu səbəbdən onun transfer hüququnun alınmasına qərar verilib. “AS” bu transferin madridlilərə yalnız 1,5 milyon avroya başa gələcəyini də yazıb. Qeyd edək ki, təcrübəli futbolçu “Espanyol”dan 0,5 milyon avroya icarəyə götürülüb. Hələ ki, Xoselu ilə bağlanacaq yeni müqavilənin müddətinə aydınlıq gətirilmir.

O, bu mövsüm İspaniya çempionatında meydana çıxdığı 24 oyunda 8 qol vurub.