"İsveçrə ilə matç bizim üçün çox yaxşı başladı. Komanda oyunu oynadıq. 1-ci hissədə qabağa çıxa bilsək də, sonradan bunu itirdik. Nə qədər qayıtmağa çalışsaq da, alınmadı. Əlbəttə, təcrübə çatışmazlığı var. Çoxdan belə yarışlarda iştirak etmirik. Ancaq fikirləşmirəm ki, bu məğlubiyyətin Kosovo ilə oyuna da təsiri olacaq. Gücümüz çatmasa belə, əlimizdən gələn hər şeyi edəcəyik. Düzdü, oyuna hazırlaşmaq üçün vaxtımız azdı. Lakin bacardığımız qədər səhvləri aradan qaldırıb, Kosovoya qarşı daha yaxşı çıxış etməyə çalışacağıq".