Bu gün keçirilən oyunlarla Misli premyer-liqasında 24-cü tura yekun vurulub.

Həmişə olduğu kimi, bu matçları da “CBC Sport”un efirində canlı izləmək mümkün olub.

Misli premyer-liqası
3-cü dövrə, 24-cü tur
25 fevral
Araz-Naxçıvan - Zirə 0:3
Vanderson Melo, 20-ö.q., Rəhim Sadıxov, 74, Rafael Utziq, 77
"Araz-Naxçıvan"ın bu rəqiblə ev oyunlarının balansı: 1:+1=0-0, 1:0.
2023/24 - 1:0.
Cəzalı: İqor Ribeyro (Araz-Naxçıvan).
"Futbol+"in proqnozu: 40:30:30.
Hakimlər: RAUF ALLAHVERDİYEV, Pərvin Talıbov, Zöhrab Abbasov, Kamal Umudlu.
Hakim-inspektor: İmanxan Sultani.
AFFA nümayəndəsi: Elçin Məmmədov.
Bakı. “Dalğa Arena”. Saat 16.30.

Azər Bağırovun komandası nəticələrini yaxşılaşdırmaqdadı. Xeyli xal itkisidən sonra “Neftçi”ni udan, “Səbail”lə “sülh”ə razı olan kollektiv “doğma divarlar” arasında növbəti uğura imza atmaq istəyəcəyək. Muxtar Respublika təmsilçisi ilk “dördlük”dən uzaq düşmək istəmir. Hətta işlər yolunda getsə, turu 4-cü pillədə bitirəcəklər. Odu ki, sona qədər döyüşüb fürsətdən yararlanmaq lazımdı. Əlbəttə, məhz bu məqam qonaqlar üçün də motivasiya mənbəyidi. “Zirə” səfərdən qələbəylə qayıtsa,yerini möhkəmləndirəcək. Hücum xəttində çatışmazlığı olan “qartallar”ın nisbətən bacarıqlı rəqib hücumçulara qarşı necə oynayacağı maraqlıdı. Axı Rəşad Sadıqovun yetirmələri heç vaxt naxçıvanlıların qapısına yol tapmayıb.

Bu komandalar indiyə qədər 2 dəfə qarşılaşıb. Birində “Araz-Naxçıvan” qələbə qazanıbsa, digərində qolsuz bərabərlik qeydə alınıb. Topların nisbətində “qırmızı-ağlar” öndədi – 1:0.

Qarabağ - Sumqayıt 2:0
Adama Diakabi, 52, Yassin Benzia, 83
"Qarabağ"ın bu rəqiblə ev oyunlarının balansı: 23:+20=1-2, 61:12.
2011/12 - 1:2; 2012/13 - 3:0; 2013/14 - 5:1, 3:0; 2014/15 - 2:0, 1:0; 2015/16 - 2:2, 1:0; 2016/17 - 3:0, 2:1; 2017/18 - 4:1, 2:0; 2018/19 - 1:0, 2:0; 2019/20 - 2:0, 1:0; 2020/21 - 6:1, 4:1; 2021/22 - 2:0, 5:0; 2022/23 - 3:1, 1:2; 2023/24 - 5:0.
Cəzalı: Mossi Tresor (Sumqayıt).
"Futbol+"in proqnozu: 40:30:30.
Hakimlər: NİCAT İSMAYILLI, Teymur Teymurov, Asiman Əzizli, Vüqar Həsənli.
Hakim-inspektor: Ramil Diniyev.
AFFA nümayəndəsi: Rüfət Əmirov.
Bakı. Tofiq Bəhramov adına Respublika stadionu. Saat 19.00.

Tura çox maraqlı qarşılaşma ilə yekun vurulacaq. Əlbəttə, oyunun hansı şəraitdə keçəcəyini bilmirik, amma iddiamızın səbəbi var! Meydan sahibləri “Braqa”nı mübarizədən kənarlaşdırararaq Avropa Liqasının 1/8 finalına vəsiqə qazanan Ağdam təmsilçisidi. Əlbəttə, həmin matçdan üç gün keçmədən yenidən meydana çıxacaq “köhlən atlar” yorğun ola bilər. Lakin heyət baxımından zəngin komanda üçün bu problemi aradan qaldırmaq çətin deyil. Rəqib isə heyət çatışmazlığı fonunda qaneedici nəticələr qazanıb ikinci pillədəki yerini qoruyan “Sumqayıt”dı. Statistika qonaqlar üçün yaxşı heç nə vəd etmir. Çünki meydan sahibləri son 11 turda məğlub olmayan “Qarabağ”dı. Xatırladaq ki, ağdamlılar 16-cı turda “kimyaçılar”ın 5 oyunluq məğlubiyyətsizlik seriyasına son qoymuşdu. İndi “gənclik şəhəri” təmsilçisi 7 oyundu uduzmur.

Komandalar indiyə qədər 45 oyunda üz-üzə gəlib. Bunların 34-də “Qarabağ”, 6-da “Sumqayıt” qalib gəlib, 5-də “sülh” qeydə alınıb. Topların nisbətində “köhlən atlar” üstündü – 114:22.

24 fevral
Turan Tovuz - Neftçi 1:1
Fərid Nəbiyev, 89 - Yeqor Boqomolski, 72.
"Turan Tovuz"un bu rəqiblə ev oyunlarının balansı: 3:+1=0-2, 4:2.
2022/23 - 0:1, 4:0; 2023/24 - 0:1
Cəzalı: yoxdu.
"Futbol+"in proqnozu: 40:30:30.
Hakimlər: TURAL QURBANOV, Rəhman İmami, Şirmamed Mamedov, Kamran Əliyev.
Hakim-inspektor: Anar Salmanov.
AFFA nümayəndəsi: Azər Əsgərov.
Tovuz, şəhər stadionu. Saat 15.00.

24-cü tur həyəcanının davamını yaşamaq üçün Tovuza boylanmaq lazım gələcək. Çünki bölgənin “bozqurd”u “Neftçi”ni qəbul edəcək. Ayxan Abbasovun yetirmələri çətin sınaqla üz-üzədi. Ardıcıl 4 oyunda məğlub olmayan kollektiv uğurlu seriyanı davam etdirməyə çalışmalıdı. Bunun üçün münbit şərait də var. Minlərlə azarkeşin öyrəşdiyimiz dəstəyi, futbolçuların tam formada olması və ciddi itkidən söhbət getməməsi meydan sahiblərinin şansını artırır. Bu məqamın bakılılara təsir göstərib-göstərməyəcəyi isə sual altındadı. Düzdü, “ağ-qaralar” cari mövsümün son dörd səfər matçından 3 xalla qayıda bilməyib. Lakin turlar ötdükcə azarkeş qınaığının artması tilsimin qırılmasına səbəb ola bilər. Başqa bir məqam isə “Sumqayıt”la aradakı bir xal fərqinin artmaması üçün çalışmaqdı.

Ümumiyyətlə, komandalar indiyə qədər 6 dəfə üz-üzə gəlib. Bunların 1-də “Turan Tovuz”, 4-də “Neftçi” 3 xala yiyələnib. Bir oyunda qalib müəyyənləşməyib. Topların nisbətində bakılılar öndədi – 9:6.

Səbail - Sabah 2:0
Aleksandr Ramalinqom, 52, Samir Abdullayev, 90+2.
"Səbail"in bu rəqiblə ev oyunlarının balansı: 10:+4=2-4, 10:14.
2018/19 - 0:0, 1:0; 2019/20 - 1:3; 2020/21 - 2:1, 2:0; 2021/22 - 0:3, 0:2; 2022/23 - 0:2, 2:1; 2023/24 - 2:2.
Cəzalı: Adi Mehremiç (Səbail).
"Futbol+"in proqnozu: 30:30:40.
Hakimlər: RƏŞAD ƏHMƏDOV, Rahil Ramazanov, Eyyub İbrahimov, Rauf Cabbarov.
Hakim-inspektor: Vüsal Əliyev.
AFFA nümayəndəsi: Elgiz Abbasov.
Bakı. “ASCO Arena”. Saat 17.30.

Bayılda eyni xala malik kollektivlər üz-üzə gələcək. “Səbail”lə “Sabah”ın əsas mübarizəsi hələ ki ilk “ beşlik”də qərarlaşmaq uğrunda olacaq. “Dənizçilər”in son vaxtlar sabit nəticə göstərə bilməməsi oyunun taleyi haqda dəqiq danışmağa imkan vermir. Amma yeni transfer hesabına mövsümün ikinci yarısına qaneedici nəticələrlə başlayan kollektivdən gözləntilər yaxşı yöndədi. Yenə də “Səbail”in Masazır təmsilçisinə “diş göstərməkdə” çətinlik çəkməsi reallıqdı. Üstəlik İqor Ponomaryovun təcrübəsini bölüşdüyü “bayquşlar” çətin günləri böyük ölçüdə geridə qoyub. O da var ki, “Sabah” Bayıla son iki səfərində qələbə qazanmayıb.

Bu komandalar indiyə qədər 21 matçda qarşılaşıb. Bunların 6-da “dənizçilər”, 10-da “tələbələr” qalib gəlib. Hərəyə 1 xal düşən oyunların sayı isə 5-di. Topların nisbətində “Sabah” irəlidədi – 31:17.

1. Qarabağ 23 17 3 3 57-20 54
2. Sumqayıt 24 9 9 6 23-27 36
3. Neftçi 24 10 6 8 27-22 36
4. Zirə 24 9 8 7 17-13 35
5 Səbail 24 9 7 8 36-35 34
6. Araz-Naxçıvan 24 8 7 9 26-31 31
7. Sabah 24 8 7 9 33-30 31
8. Turan Tovuz 24 8 7 9 37-34 31
9. Kəpəz 24 6 5 13 22-41 23
10. Qəbələ 23 4 3 16 16-41 15
Bombardirlər: Olavio Juninyo (Qarabağ) - 15, Aleksandr Ramalinqom (Səbail) - 11, Orxan Əliyev (Araz-Naxçıvan) - 9.

KƏNAN BAHADIR