Misli premyer-liqasında bu gün keçirilən oyunlarla 22-ci tura yekun vurulub.

İki gün ərzində üç matçın keçirilməsi nəzərdə tutulub ki, hamısı "CBC Sport"da canlı yayınlanıb.

Misli premyer-liqası
3-cü dövrə, 22-ci tur
13 fevral
Turan Tovuz - Qəbələ 2:1
Aleks Souza, 43. Ayxan Quseynov, 53 - Bilel Auaşeriya, 77.
"Turan Tovuz"un bu rəqiblə ev oyunlarının balansı: 3:+0=2-1, 3:5.
2022/23 - 0:2, 1:1; 2023/24 - 2:2.
Cəzalılar: Şəhriyar Əliyev (Turan Tovuz), Əyyub Allaş (Qəbələ).
"Futbol+"in proqnozu: 40-30-30.
Hakimlər: RAUF ALLAHVERDİYEV, Müslüm Əliyev, Cəmil Quliyev, Əli Əliyev.
Hakim-inspektor: Ramil Diniyev.
AFFA nümayəndəsi: Nəriman Axundov.
Tovuz, şəhər stadionu. Saat 15.00.

Zirə - Sumqayıt 0:0
"Zirə"nin bu rəqiblə ev oyunlarının balansı: 16:+10=5-1, 24:11.
2015/16 - 3:2, 1:0; 2016/17 - 0:1, 1:0; 2017/18 - 3:1, 1:1; 2018/19 - 3:1, 2:0; 2019/20 - 2:2; 2020/21 - 2:2, 0:0; 2021/22 - 1:0, 1:0; 2022/23 - 0:0, 3:1; 2023/24 - 1:0.
Cəzalı: Oktavio Manteka (Sumqayıt).
"Futbol+"in proqnozu: 40-30-30.
Hakimlər: TURAL QURBANOV,  Kamran Bayramov, Rəhman İmami, Kamranbəy Rəhimov.
Hakim-inspektor: Asim Xudiyev.
AFFA nümayəndəsi: Zaur Hacıməhərrəmov.
Zirə, İdman Kompleksinin stadionu. Saat 17.15.

Bu matçda gərginliyin son çatacağına şübhə etməyə dəyməz. Çempionatın iddialı komandaları 3 xal uğrunda "dəridən-qabıqdan çıxacaq". "Zirə" ilk "dördlük"dəki yerini möhkəmlətməli, məhz bu pillələrdən birinə göz dikən "Sabah"ın ona çatmasına mane olmalıdı. Komanda daxilindəki fiziki-psixoloji durumun yaxşı olduğunu nəzərə alsaq, "Sumqayıt"a qarşı son ana qədər döyüşməmək, hətta qələbə qazanmamaq üçün ciddi səbəb yoxdu. Rəşad Sadıqovun yetirmələri ikinci pilləyə yüksəlmək üçün can qoyacaq, eləcə də "Neftçi"nin "Dalğa Arena"da büdrəməsinə ümid edəcəklər. Öz növbəsində "kimyaçılar" da Zirəyə əlini yannamış halda təşrif buyurmayacaq. Onlar avrokuboklara qatılmağa iddialıdı. Lakin turnir cədvəlinin 2-ci və 8-ci pillələri arasında xal fərqinin az olması komandanın arxayınlaşmadına icazə vermir. Odu ki, səfərdən maksimum nəticə - 3 xal ilə qayıtmaq ən yaxşı variantdı. Üstəlik “Sumqayıt”ın 5 oyunluq məğlubiyyətsizlik seriyası var. Amma... Bu komandaların son 13 oyununda "Sumqayıt" qələbə qazana bilməyib.

Ümumiyyətlə, komandalar indiyə qədər 33 oyunda üz-üzə gəlib. "Zirə" 18, "gənclik şəhəri" təmsilçisi 6 dəfə 3 xala yiyələnibsə, 9 matçda hərəyə 1 xal düşüb. Topların nisbəti? "Qartallar" "kimyaçılar"dan iki dəfə öndədi - 44:22.

Araz-Naxçıvan - Neftçi 1:0
Orxan Əliyev, 90+2-p.
"Araz-Naxçıvan"ın bu rəqiblə ev oyunlarının balansı: 3:+1=1-1, 1:7.
2000/01 - 0:7; 2001/02 - 0:0; 2023/24 - 1:0.
Cəzalı: yoxdu.
"Futbol+"in proqnozu: 30-30-40.
Hakimlər: RƏŞAD ƏHMƏDOV, Rahil Ramazanov, Teymur Teymurov, Kamran Əliyev.
Hakim-inspektor: Ceyhun Haşımov.
AFFA nümayəndəsi: Məmmədəli Məmmədov
Mərdəkan, "Dalğa Arena". Saat 19.30.

Tura Bakının Mərdəkan qəsəbəsində yekun vurulacaq. "Araz-Naxçıvan"ın müvəqqəti sığındığı "Dalğa Arena" nə çempionatın, nə də kubokun son matçında komandaya qələbə bəxş etdi. Düzü, stadionun elə də günahı yoxdu. Problem məhz komandadakı enişlə bağlıdı. Azər Bağırov həm oyun tərzinə, həm də futbolçuların hazırlıq prosesinə təcili müdaxilə etməli, mövsümün ilk turlarındakı ab-havanı geri qaytarmalıdı. Buna ötən həftə autsayder "Kəpəz"ə məğlub olan (1:3) komandanın iddialı "Neftçi"ni məğlub etməsi səbəb ola bilər. Yoxsa pis günlərin ömrü bir qədər də uzanacaq. Hər halda, kollektivdə heyət baxımından ciddi çatışmazlığın olmamasından yararlanıb qaneedici nəticə qazanmaq mümkündü. Buna qonaqların icazə verib-verməyəcəyi isə çətin sualdı. Çünki turlar irərlilədikcə "Neftçi"nin xal itirmək şansı azalır. İkinci yeri hədəfləyən bakılılar səfərdən qələbə ilə dönməyə çalışacaq. Üstəlik "ağ-qaralar" 1-ci dövrədə "Araz-Naxçıvan"a məğlubiyyətin (0:1) qisasını da almalıdı.

Ümumiyyətlə, bu komandalar indiyə qədər 6 dəfə qarşılaşıb. Oyunların birində "Araz-Naxçıvan", üçündə "Neftçi" qalib gəlibsə, ikisində heç-heçə qeydə alınıb. Topların nisbətində bakılılar öndədi - 17:2.

1. Qarabağ 22 16 3 3 55-20 51
2. Sumqayıt 22 9 8 5 23-25 35
3. Neftçi 22 9 5 8 25-21 32
4. Zirə 22 8 8 6 14-12 32
5. Səbail 22 8 6 8 32-33 30
6. Araz-Naxçıvan 22 8 6 8 24-26 30
7. Turan Tovuz 22 8 5 9 36-33 29
8. Sabah 22 7 7 8 30-26 28
9. Kəpəz 22 5 5 12 18-37 20
10. Qəbələ 22 4 3 15 15-39 15

Bombardirlər: Olavio Juninyo (Qarabağ) – 15, Yassin Benzya (Qarabağ), Aleksandr Ramalinqom (Səbail) – 8, Pedro Nuno (Səbail) – 7.

KƏNAN BAHADIR