“Hava şəraiti hamı üçün eynidi. Burda da hər halda, Şotlandiyanın komandalarıyla oynamırlar. Bir sıra oyunları izləsəm də, hamısını izləyə bilmədim. Sadəcə, bu il qrafik çox sıxdı. PFL gələcəkdə buna diqqət etməlidi. Elə hava şəraiti də olur ki, bir də görürsən ki, komandalara məşq etməyə icazə vermirlər və yaxud oyunlar təxirə salınır. Onsuz da komandalar bura 10-12 günlük gəliblər, bir-iki gün vaxt itkisi belə məşqçilər üçün böyük faciədi. Çünki hər şey zaman qrafikinə uyğun planlanır. Yoldaşlıq görüşlərində nəticə əsas deyil. Amma ortaya qoyulan oyun barədə nələrsə deyə bilərik. Məsələn, ötən il “Qarabağ” “Rakuv”a 0:3 uduzdu, lakin oynadığı oyuna görə uduzmadı. Sadəcə, “Rakuv” fürsətlərdən yararlandı, “Qarabağ” isə yararlanmadı. Bu baxımdan “Sabah”ın “Vorskla”dan 4 top buraxması adamı düşündürür. Amma oyuna baxmamışam deyə, bir söz deyə bilmərəm. Böyük maraqla “Neftçi”nin oyununu izlədim. Doğrusu, 3-cü bundesliqa təmsilçisinin status olaraq “Neftçi”yə nə dərəcədə uyğun rəqib olması bir yana, komandanın ortaya qoyduğu oyun çox aşağı səviyyədə idi. Əsas “Neftçi” ilə “Sabah”dı ki, “Qarabağ”la rəqabət yarada bilməyəcəklərsə, çempionatın səviyyəsi də düşəcək. Mümkün olan qədər digər komandaların oyunlarını da izlədim. Nəticələr o qədər ürəkaçan olmasa da, oyuna hazırlıq cəhətdən də yeni bir şey görmədim”.