Bullit seriyasında 50-ci dəfə fərqlənən Patrik Keyn bu göstəricidə artıq MHL tarixinin ikincisidi.

“Football-plus.az” xəbər verir ki, şənbə günü məhz onun dəqiq zərbəsi “Filadelfiya” ilə oyunda “Detroyt”a qələbə qazandırdı. Karyerasında 50 dəqiq bullit zərbəsi olan 35 yaşlı amerikalı yalnız “Çikaqo”nun oyunçusu Conatan Teyvsdən (52) geri qalır. 3-cü yeri isə Frans Nilsenlə Ti Cey Oşi (hərəyə 49 zərbə) bölüşür. Xatırladaq ki, MHL-də oyunsonrası bullit seriyası 2005/06 mövsümündən tətbiq olunmaqdadı.

Şənbə günü “Neşvill” “Dallas” üzərində tarixi qələbə qazandı. Piter Deburun çalışdırdığı komanda əsas vaxtın son dəqiqəsinə qədər uduzurdu. Amma 3-cü periodun 19:45-ci dəqiqəsində Kreyq Smit hesabı bərabərləşdirdi, 11 saniyə sonra isə Yani Hakanpya qələbə şaybasını vurdu. “Dallas” MHL tarixinə son 15 saniyədə belə geridönüş etməyi bacaran ilk komanda kimi düşdü.

Bazar günü “Minnesota”nın qapıçısı Mark-Andre Fleri MHL karyerasında 550-ci qələbəsini qazandı. Həmin gün “Uayld”ı “Boston”u 3:2 məğlub etduyu oyunda 39 yaşlı kanadalı 19 seyvlə yadda qaldı. MHL-də 998 oyun keçirən Fleri qələbə sayına görə yalnız Patrik Rua (551) ilə Martin Broderdən (691) geri qalır. Kanadalı cəmi iki oyuna da çıxarsa, MHL taruxunə bu liqada 1000 və daha artıq oyun keçirən 4-cü qapıçı kimi düşəcək. İndiyə qədər 1000 həddini Martin Broder (1266), Robert Luonqo (1044) və Patrik Rua (1029) arxada qoyub.

Turnir cədvəlindəki son duruma gəlincə, “Vankuver” Milad fasiləsi ərəfəsində hamıdan öndədi. Rik Takettin komandası 35 oyunda 49 xal toplayıb. “Reyncers”lə “Veqas”ın hesabında 47 xal var. “Vankuver”in cari mövsümdə keçirdiyi 35 oyunun 23-də qələbə qazandığını da xatırladaq.

23 dekabr
Detroyt – Filadelfiya 7:6 Б (5:1, 0:2, 1:3, 0:0, 1:0)
Reyncers – Edmonton 3:4 (1:0, 0:0, 2:4)
Vinnipeq – Boston 5:1 (1:0, 2:0, 2:1)
Çikaqo – Monreal 2:5 (1:0, 1:3, 0:2)
Neşvill – Dallas 2:3 (0:0, 2:0, 0:3)
Florida – Veqas 4:2 (0:0, 2:2, 2:0)
24 dekabr
Vaşinqton – Tampa-Bey 1:2 Б (0:1, 1:0, 0:0, 0:0, 0:1)
Kolambus – Toronto 1:4 (0:1, 1:2, 0:1)
Minnesota – Boston 3:2 (0:1, 2:0, 1:1)
Nyu-Cersi – Detroyt 3:2 (1:1, 0:1, 2:0)
Ottava – Pittsburq 5:4 ОТ (2:1, 2:1, 0:2, 1:0)
Karolina – Aylenders 4:5 (1:3, 1:1, 2:1)
Reyncers – Baffalo 4:3 ОТ (2:1, 1:1, 0:1, 1:0)
Anahaym – Sietl 2:3 (0:2, 1:0, 1:1)
Sent-Luis – Çikaqo 7:5 (1:2, 1:2, 5:1)
Kolorado – Arizona 4:1 (1:0, 3:0, 0:1)
Vankuver – San-Xose 7:4 (2:2, 3:1, 2:1)
Los-Anceles – Kalqari 5:3 (2:1, 2:1, 1:1)