“Oyunun məsuliyyətini hiss edirdik. Rəqib meydanındakı oyunda məğlub olmuşduq. Bu gün də pley-off mərhələsinə yüksəlmək baxımından, sadəcə, qələbə bizə şans yaradırdı. Əlimizdən gələni etdik. Komanda 3 gün ərzində yığılmışdı. Əsasən də yerli oyunçulara üstünlük verilmişdi. Doğrudu, iki legioner oyunçumuz da var idi. Lakin komandanın əsasını yerli oyunçular təşkil edirdi. Oyun barədə də onu deyə bilərəm ki, üstünlük daim bizdə idi, sadəcə, gücümüz çatmadı. Rəqib komanda 5-in 4-ə çox yaxşı oynayır. Dəfələrlə bu taktikanın sayəsində fərqləndilər. Biz əlimizdən gələn qədər onlara qarşı oynamağa çalışdıq. İlk hissədə iki dəfə onları cəzalandırıb fasiləyə üstün getsək də, ikinci hissədə onların 5-in 4-ə taktikası ilə üstünlüyü artdı. Ümumiyyətlə, yerli oyunçuların çoxluq təşkil etməsi, özlərini göstərə bilməsi sevindirici haldı. Komanda olaraq əlimizdən gələni etdik”.