"Çempionatda ən yaxşı oyunumuzu göstərdik. Ən azı heç-heçəyə layiq idik. Rəqib üzərində aşkar üstünlüyə malik idik. 90 dəqiqə ərzində, demək olar, təkqapı oynadıq. Futbol diliylə desək, oyunla uduzmadıq, hakim bizi uduzdurdu. Referi Vüqar Həsənli bizə qarşı qərəzli münasibət nümayiş etdirdi. Lehimizə olan bir neçə epizodda yalnış qərar verdi. Məsələn, 25-ci dəqiqədə legionerimiz Elijah Ben reyd edərək rəqibin cərimə meydançasına daxil olarkən onun hücumu dəf edilir. Yəni müdafiəçi topa oynayıb onun meydandan çıxarır. Baş hakim korner əvəzinə sərbəst zərbə təyin edir. Aşkar şəkildə müdafiəçi topa oynayır, amma qapıdan zərbə təyin olunur. Ümimilikdə son 30 dəqiqədə meydanda hakimlik adına nəsə görmədik. Referi ədaləti qorumaq əvəzinə MOİK-ə dəstək verməkdə dəridən-qabıqdan çıxırdı. Onun bu hərəkəti həm azarkeşlərimizin, həm də futbolçularımızın əsəbini oynatdı. Nəticədə iki oyunçunuz hisslərini boğa bilmədi və onlara qırmızı vərəqə göstərildi. Biz bilmədik azarkeşləri sakitləşdirək, təhlükəsizliyi qoruyaq, yoxsa meydanda oyunumuzu sərgiləyək?

Azlıqda qalmağımıza rəğmən, hesabı dəyişmək üçün irəli atılırdıq. 91-ci dəqiqədə hücumumuz zamanı MOİK-in qolkiperi topu qapı xəttini keçdikdən sonra tutur. Bu kənardan da aydın şəkildə göründü. Videotəkrara dəfələrlə baxdıq. Təmiz qolumuz nəzərə alınmır. Qısası, meydanda hakimlikdən başqa hər şey vardı. Referi məğlubiyyətimiz üçün əlindən gələni etdi. Mən heç vaxt demaqoqluq, müxalifətçilik edən biri deyiləm. Amma belə halları görəndə daya bilmirəm. Hakimlərin MOİK-ə rəğbətini başa düşə bilmirəm. 2-ci turun MOİK - "İmişli" oyununda da qonaqlara qarşı oxşar haqsızlıqlar olmuşdu. Biz göstərdik ki, autsayder ola-ola, lideri meydanda necə üstəliyirik. Amma tablodakı rəqbəmləri meydanda döyüşən, mübarizə aparan yox, hakimlər təyin edir. Burdan belə çıxır ki, "hərbçilər"ə "rəğbət" bəsləyərək irəli çəkirlər. Xülasə son oyunda meydanda Azərbaycan futbolu adına iyrənc hakim idarəçəliyinin şahidi olduq. Niyə belə hakimlər bizdə var - bilmək olmur".

"Bilirdik ki, İmişli səfərində yerli komanda ilə bizi çox ağır oyun gözləyir. Qarşılaşmaya ciddi hazirlaşmışdıq. Futbolçularım verdiyim tapşırıqları maksimum yerinə yetirməyə çalışdılar. Bəli, bugünkü oyunda 1 xal qazandıq, ancaq məğlub da ola bilərdik, çünki rəqibin 11 metrlik cerimə zərbəsi var idi. Amma fürsəti qaçırdılar. Düşünurəm ki, oyunun ədalətli nəticəsi bərabərlik idi. Turnir cədvəlinə baxin, 1-ci liqada gərgin mübarizə gedir. Cempionatda 10 komanda var, hamısı əsas rəqiblərimizdi. Bu gün çempionatda zəif rəqib yoxdu. Biz hər rəqibə ciddi yanaşırıq".