Françesko Kamarda “Milan”ın əsas komandasında debüt edib.

"Football-plus.az" xəbər verir ki, o, A seriyasının “Fiorentina” ilə matçında (1:0) iştirak edib. Meydana 15 yaş 260 günlüyündə çıxan hücumçu liqanın yeni rekordçusu olub. Françesko A seriyasında meydana çıxan ən yeniyetmə futbolçu kimi tarixə düşüb. Bundan əvvəlki rekord 15 yaş 274 günlüyündə “Cenoa”ya qarşı oynayan “Bolonya”nın müdafiəçisi Uisdom Ameyə məxsus idi.

Qeyd edək ki, “Milan”ın heyətində hücumameyilli oyunçuların zədə və diskvalifikasiya səbəbindən meydana çıxa bilməməsi baş məşqçi Stefano Pyolini Kamardanı əsas komandaya çağırmağa vadar etmişdi. O, bu yay “Milan”nın U-19 omandasına keçib, cari mövsümdə bütün yarışlarda 13 oyun keçirib, 7 qol vurub və 2 məhsuldar ötürmə edib.