“Dinamo”nun əsl baş məşqçisi kimdi?
2-ci liqada mübarizə aparan "Dinamo"nun 10-cu turda “Şahdağ Qusar”dan aldığı acınacaqlı məğlubiyyətdən (0:9) sonra Novruz Əzimov istefa versə də, dünən “Şəfa” ilə oyunun protokolunda baş məşqçi kimi məhz onun adı yazılmışdı. Halbuki komandanı meydana Esmael Vəkiliqazicahani çıxarmışdı.
"Football-plus.az" bu anlaşılmazlıqla bağlı PFL-in sözçüsü Sənan Abdullayevə müraciət etdik:
"Texniki səhv olmuşdu. Əməkdaşlarımız səhvən əvvəlki oyunların prokoluna uyğun olaraq, "Dinamo"nun baş məşqçisi kimi Novruz Əzimovun adını qeyd etmişdilər. Amma səhvi anladıqdan sonra aradan qaldırdıq".
ABDULLA İSMAYILOĞLU
