"Əvvəla mənə etimad göstərərək komandanın “sükanı arxasına” gətirən şəxslərə dərin minnətdarlığımı bildirirəm. Komandanın sabiq baş məşqçisi Şəhriyar müəllimlə də də görüşüb, halallaşmışıq. İşimizə gəlincə, hər bir baş məşqçinin iki seçimi var: ya istədiyi futboçulardan ibarət komanda qurmaq, ya da əlinin altında olan oyunçularla döyüşkən kollektiv yaratmaq. Biz ikincini seçmək məcburiyyətindəyik.

Hazırda ən böyük itkimiz vaxtdı. Yaxşı ki, yığmalarımızın oyunu ilə bağlı 10 günə yaxın fasilə var. Bu zaman kəsiyindən maksimum istifadə etməyə çalışırıq. Hazırda əsas işimiz oyunçurın mənəvi-psixoloji vəziyyətini yaxşılaşdırmaq, onlara özünəinamı qaytarmaqdı. İnanıram ki, "Difai Ağsu" ilə qarşıdakı oyunda uğursuzluqlarımız aradan qalxacaq. Heyətimizi də gücləndirməklə məşğuluq. Baxışa bir neçə afrikalı oyunçu dəvət etmişdi, onlardan ikisini saxladıq. Biri Nigeriyadan, digəri isə Qvineya-Bisaudandı. Amma hər 2 oyunçunun sənədləri hələ gəlib çıxmayıb. İnanırıq ki, çempionat matçımıza qədər bu məsələ də həll olunacaq".