Hazırda Kosovo "Lipa"sının şərəfini qoruyan Araz Abdullayev yenidən gündəmə gəlib.

"Football-plus.az" xəbər verir ki, 31 yaşlı vinger Misli premyer-liqasının 9-cu turunun “Neftçi” - “Qarabağ” (0:2) oyunundan sonra "köhlən atlar"ın “instaqram” səhifəsinə şərh yazıb. O, iki ürək smayliki yerləşdirib. Abdullayevin bu rəyi "ağ-qaralar"ın "433neftchi_baku" səhifəli azarkeşinin xoşuna gəlməyib. Və rəyə cavab olaraq, "Neftçi"nin çörəyi sənə haram olsun!" sözlərini yazıb.

Həmişə fanatlarla yaşadığı qalmaqallarla gündəmə gələn Araz bu dəfə fərqli addım atıb. O, diplomatik tərzdə cavab verməyə çalışıb. “İki ürək, yəni hər iki komanda ürəkdi”, – deyə millinin sabiq üzvü vəziyyəti yumşaltmağa çalışıb.

CAVİD ƏLİYEV