"Komandada ab-hava yaxşıdı. Oyunçular həm fiziki, həm də mənəvi cəhətdən oyuna yaxşı hazırlaşıb. Uzun bir shazırlıq dönəmi keçdik. Bakıda başladıq, daha sonra Serbiyanın paytaxtı Belqradda yollandıq və 5 yoxlama oyunu keçirdik. Hər görüşə fərqlı hazırlaşırdıq, əlimizdən gələni edirdik. İndi isə avrokubokların vaxtı çatdı. Əsas hazırlaşdığımız turnirə sabah başlayırıq. Bütün gücümüzü ortaya qoyacağıq".

"Məşqçilər heyəti Bakıda son 1 həftə ərzində bizə sabah qarşılaşacağımız "Donar"ın keçmiş oyunlarını izlədirdi. Və onların müdafiəsinə qarşı necə oynayacağımız analiz edirdik. Çalışacağıq ki, oyundan-oyuna artıraq. Hər rəqibə qarşı fərqli tərzdə hazırlaşacağıq. 18 ildən sonra klub səviyyəsində ölkə basketbolunu avrokuboklarda təmsil edirik. Buna görə də qazanmaq niyyətindəyik. Amma bu basketboldu, hər şey ola bilər. Təcrübəsizlik, avrokuboklarda uzun müddəti çıxış etməməyin təsiri görünə bilər. Çox yaxşı komandamız var. İnanıram ki, hər üç rəqibi uda bilərik. Əsas hədəf qrupu aşmaqdı. Bu olmasa belə, əlimizdən gələni edəcəyik ki, Azərbaycan basketbolunu Avropada yüksək səviyyədə təmsil edək".