AGİN Gəncədəki stadiona görə başqa arenaları təftiş edir
Mediada AGİN-in dəstəyi ilə Gəncədə yeni stadionun tikiləcəyi ilə bağlı xəbərlər yayılıb. “İdmanxeber.az”ın məlumatına görə, indiki arena söküləcək və əvəzində 16 min yerlik yenisi inşa olunacaq.
Məsələ ilə bağlı Azərbaycan Gənclər və İdman Nazirliyi ilə əlaqə saxladıq. Qurum mətbuat katibi Qabil Mehdiyev “Football-plus.az”a açıqlamasında bunları söylədi:
“Gəncə stadionu ilə bağlı hansısa yenilik yoxdu. İşə başlananda və ya dəyişiklik olanda ictimaiyyətə açıqlama verəcəyik”.
AGİN rəsmisi stadionla bağlı yeni heç nə söyləmədi. Amma redaksiyamıza daxil olan informasiyaya görə, Gəncə stadionu ilə bağlı işlər tezliklə start götürəcək. Əslində arenanın tikilməsi ilə bağlı qərar çoxdan verilib. Bu səbəbdən də AGİN-in əməkdaşları sentyabrın 8-də “Dalğa Arena”nı, daha sonra Bakı Olimpiya Stadionu təftiş edib, bugünlərdə isə “Bakcell Arena”ya gedəcəklər. Nazirliyin əməkdaşları bu arenalardakı təcrübədən yararlanmaq niyyətindədi.
İLKİN SULTANLI
Digər xəbərlər
