Nicat Abbasov stadionda “Qarabağ”ı irəli səsləyirmiş!
Bakıda keçirilən şahmat üzrə dünya kubokunda dünən daha bir mərhələyə yekun vuruldu.
"Football-plus.az" xəbər verir ki, kişi şahmatçılar 1/16, qadınlar isə 1/8 final görüşlərini arxada qoydu. Ölkəmizin mübarizəni davam etdirən yeganə təmsilçisi Nicat Abbasovdu. Dünən tay-brekdə rusiyalı Pyotr Svidlerin də öhdəsindən gələn gənc istedad 1/8 finalda BƏƏ şahmatçısı Saleh Salemlə qarşılaşacaq. Abbasov turnirin rəsmi saytına açıqlamasında belə deyib:
"Qarabağ"la "Sabah"ın avrokuboklardakı qələbələri mənə bir qədər ruh yüksəkliyi verdi. Pyotr Svidlerlə ikinci klassik partiya tez başa çatdığı üçün vaxt taparaq stadiona getdim. "Qarabağ" - HİK görüşündə Azərbaycan çempionuna dəstək oldum. İkinci hissənin ilk dəqiqələrində hətta azarkeşlərə qoşularaq komandanı irəli səsləyirdim. Ona görə səhər səsimin tutulduğunu hiss etdim".
Abbasovun sözlərinə görə, klassik partiyalarda hər iki tərəfdə müəyyən şanslar var idi:
"Birinci partiyada məğlub ola bilərdim. Rəqib lazımi gedişləri edə bilmədi. İmkanlardan istifadə edərək vəziyyəti düzəltdim və oyun heç-heçə yekunlaşdı. İkinci klassik partiya da bərabərliklə başa çatdığından tay-brekdə oynamalı olduq".
Şahmatçı deyib ki, Aniş Giri üzərində qələbədən sonra qazandığı ruh yüksəkliyi də ona kömək olub:
"Öz oyunumu oynadım. İlk rapid görüş heç-heçə sona çatdı. İkinci oyunda qara fiqurlarla oynamağıma baxmayaraq, düzgün gedişlərlə qələbə qazanmağı bacardım".
Abbasov ona dəstək olan şahmat həvəskarlarına təşəkkür edib:
"Mənə görə yarış məkanına gələn bütün insanlara "çox sağ ol" deyirəm. Bu gün bir nəfər oyunu canlı izləmək üçün Beyləqandan gəldiyini dedi. Belə insanlar bizə əlavə güc verir. Dünya kubokunda 1/8 final çox ağır mərhələdi. Bu mərhələdə zəif rəqib olmur. Layiqli çıxışımı davam etdirmək üçün əlimdən gələni edəcəm".
Kişilər, 1/16 final, cavab görüşləri
Nicat Abbasov - Pyotr Svidler (FİDE) 0,5:0,5 (ümumi hesab - 1:1)
Maqnus Karlsen (Norveç) - Vinsent Keymer (Almaniya) 1:0 (1:1)
Vahap Sanal (Türkiyə) - Vasili İvançuk (Ukrayna) 0,5:0,5 (1:1)
Rasmus Sveyn (Almaniya) - Van Hao (Çin) 0,5:0,5 (1:1)
Andrey Yesipenko (FİDE) - Domaracu Qukeş (Hindistan) 0,5:0,5 (1:1)
Daniele Vokaturo (İtaliya) - Saleh Salem (BƏƏ) 0,5:0,5 (1:1)
Etyen Bakro (Fransa) - Santoş Vidit (Hindistan) 0,5:0,5 (0,5:1,5)
Sarin Nihal (Hindistan) - Yan Nepomnyaşi (FİDE) 0,5:0,5 (1:1)
Fabiano Karuana (ABŞ) - Rey Robson (ABŞ) 1:0 (1,5:0,5)
Parham Maqsudlu (İran) - Yan-Kşiştof Duda (Polşa) 0,5:0,5 (1:1)
Lenyer Dominges (ABŞ) - Radoslav Voytaşek (Polşa) 0,5:0,5 (1:1)
Aleksey Sarana (Serbiya) - Uesli So (ABŞ) 0,5:0,5 (1,5:0,5)
Hayme Santos (İspaniya) - Nils Qrandelius (İsveç) 0,5:0,5 (0,5:1,5)
Arcun Eriqaisi (Hindistan) - Cavohir Sindarov (Özbəkistan) 1:0 (1,5:0,5)
Ruslan Ponomaryov (Ukrayna) - Ferents Berkeş (Macarıstan) 0,5:0,5 (0,5:1,5)
Pameşbabu Praqqanandha (Hindistan) - Hikaru Nakamura (ABŞ) 0,5:0,5 (0,5:0,5)
Tay-brek
Nicat Abbasov - Pyotr Svidler 1,5:0,5
Maqnus Karlsen - Vinsent Keymer 2,5:1,5
Vahap Sanal - Vasili İvançuk 1,5:2,5
Rasmus Sveyn - Van Hao 4:5
Andrey Yesipenko - Domaracu Qukeş 0,5:1,5
Daniele Vokaturo - Saleh Salem 0:2
Sarin Nihal - Yan Nepomnyaşi 0:2
Parham Maqsudlu - Yan-Kşiştof Duda 1,5:2,5
Lenyer Dominges - Radoslav Voytaşek 2,5:1,5
Pameşbabu Praqqanandha - Hikaru Nakamura 2:0
Qadınlar, 1/8 final, cavab görüşləri
Yelizabet Pets (Almaniya) - Yu Vençjun (Çin) 0,5:0,5 (1:1)
Mariya Muzıçuk (Ukrayna) - Anna Muzıçuk (Ukrayna) 0,5:0,5 (1:1)
Polina Şuvalova (FİDE) - Teodora İnjeç (Serbiya) 1:0 (1,5:0,5)
Medina Aulia (Polşa) - Nurgül Səlimova (Bolqarıstan) 0,5:0,5 (1:1)
Bella Hotenaşvili (Gürcüstan) - Hampi Koneru (Hindistan) 0:1 (1:1)
Jonqyi Tan (Çin) - Yuner Ju (Çin) 1:0 (1,5:0,5)
Harika Dronavali (Hindistan) - Elin Roebers (Niderland) 0,5:0,5 (1:1)
Aleksandra Qoryaçkina (FİDE) - Nino Basiaşvili (Gürcüstan) 1:0 (1,5:0,5)
Tay-brek
Yelizabet Pets - Yu Vençjun 1,5:0,5
Mariya Muzıçuk - Anna Muzıçuk 0,5:1,5
Nurgül Səlimova - Medina Aulia 1,5:0,5
Bella Hotenaşvili - Hampi Koneru 2:0
Harika Dronavali - Elin Roebers 1,5:0,5
Digər xəbərlər
