"Qarabağ"ın Çempionlar Liqasında yolunu davam etdirə bilməyib, Avropa Liqasına düşməsini uğursuz başlanğıc saymıram. Bəli, razıyam ki, ÇL daha nüfuzlu turnirdi. Ancaq mən pillə-pillə addımlamağın tərəfdarıyam. Futbol tariximizdə ilk dəfə bir klub Avropa turnirlərindən birində qrupdan çıxdı. Əvvəl Konfrans Liqası, sonra Avropa Liqası olacaq, daha sonra Çempionlar Liqası. Hazırda komandada məmnun olmadığım tək məqam yeni nəfəsə ehtiyac duymasıdı. "Qarabağ"da illərdi heç nə dəyişmir və bu onları bir müddətdən sonra əlçatan edir. Rəqiblər onları ildən-ilə daha yaxşı tanıyır və əsasən elə bu səbəbdən bəzi xoşagəlməz sürprizlərlə qarşılaşa bilirik. Ancaq nə olur-olsun "Qarabağ"a sevgim də, dəstəyim də sonsuzdu. Məhz bu matçda təhlillərlə özümü yormaq yox, sadəcə, inanmaq istəyirəm ki, "Qarabağ" meydana çox daha güclü və həvəsli çıxacaq. Hər il bacarırıq. Bu il də alınacaq"

"Azarkeş dəstəyi komanda üçün çox vacibdi. Mən də nəticədən aslı olmayaraq, sevimli komandamı dəstəkləyəcəm. Bu, həmişə də belə olacaq. "Qarabağ" Azərbaycan futbolunun dünyadakı rəmzidi. Bizi uğurlu çıxışla sevindirdikləri üçün onlara təşəkkür edirəm. İnşallah, Qurban müəllimin və futbolçuların gücü ilə növbəti mərhələyə adlayarıq. Mən "Qarabağ"ı sevirəm. Komandamın Avropadakı yolu açıq olsun".