Olimpiadanın medalını qazandığı gün karyerasını bitirdi...
Məşhur cüdoçu Rüstəm Orucov peşəkar karyerasını bitirdiyini elan edib.
"Football-plus.az" xəbər verir ki, o, “feysbuk”dakı səhifəsində belə paylaşım edib:
"Unudulmaz illər idi və mən cüdonu seçdiyim, böyük arenalarda bayrağımızı dalğalandırmaq şərəfinə nail olduğum üçün çox xoşbəxtəm! Ancaq hər səyahətin bir sonu da olur. Avqustun 8-i Olimpiya medalı qazandığım gündü və məhz bu gün böyük idmanla vidalaşıram. Bu illər ərzində mənə dəstək olan hamıya ürəkdən təşəkkürümü bildirirəm! Nə yaxşı ki, varsız! İndi isə həyatımda yeni səhifə açmaq vaxtıdı".
Xatırladaq ki, Rüstəm Olimpiada-2016-da gümüş medal qazanıb, iki dəfə dünya çempionatında 2-ci yeri tutub, AÇ-2016-nın və İslamiada-2017-nin qalibi olub.
