"Dünən 1-ci liqa təmsilçiləriylə 3 saata yaxın görüşümüz baş tutdu. İlk dəfə aşağı liqa təmsilçiləriylə belə geniş görüş təşkil olundu. Bir çox məsələləri geniş müzakirə etdik. Əsasən maliyyə, infrastruktur və legionerlərin cəlb olunması üzərində dayandıq. Bu mövzular barədə tələblərimizi və təkliflərimizi bildirdik. Açığını desək, infrastruktur baxımından çatışmazlıqlar var. Demək olar ki, hər klubun bu sahədə problemləri, nöqsanları var. Buna rəğmən, təmsilçilər maksimum çatışmazlıqları aradan qaldırmaqla məşğuldu. Bu bizi sevindirir. Çempionatın startına kimi infrstrukturla bağlı işlər həllini tapacaq. Maliyyənin hansı şərtlərlə köçürülməsi, xərclənməsi barədə də tövsiyələrimizi bildirdik.

Bildiyiniz kimi, yeni mövsümdə 1-ci liqada yeni formatla legionerlərin çıxışına icazə veriləcək. Heyətinə əcnəbi cəlb etməyi düşünən klublara bu barədə tələb və təklifimizi bildirdik. Əsas da onlara bildirdik ki, legionerlərin cəlb olunmasında diqqətli olsunlar. Belə ki, bəzən əcnəbi cəlb olunanda futbol oynamaq üçün yox, başqa məqsədlər üçün edilir. Məsələn, güzəştlər almaq və s. üçün ölkəmizə üz tutanlar var. Belə halları əvvələr çox görmüşük. Ona görə də bu məsələ klublara çox diqqətli olmağı tapşırdıq. Klubların çoxlu sualları və qaranlıq məqamlar da var idi. Onlara da aydınlıq gətirdik. Burda həm oyunların PFL vasitəsiylə yayını və transfer bazarı barədə danışıldı. Sevindirici haldı ki, belə görüş oldu. Xoş haldı ki, klublar çempionata peşəkarcasına hazırlaşır və biz tərəfindən tutulan nöqsanlar aradan qaldırılır".