Azər Əliyev "Beşiktaş"la oyunda "Neftçi"yə kömək edə bilməyəcək
"Neftçi" bu gün Konfrans Liqasında "Beşiktaş"la oyunun hazırlığına başlayacaq.
"Football-plus.az" xəbər verir ki, paytaxt klubu 3-cü təsnifat mərhələsi üçün UEFA-ya 27 futbolçunun adını təqdim edib:
qapıçılar - 1. İvan Brkiç, 30. Aqil Məmmədov, 13. Rza Cəfərov; müdafiəçilər - 3. Höccət Haqverdi, 4. Mark Tamaş, 19. Azər Salahlı, 26. Ömər Buludov, 37. Elton Əlibəyli, 41. Samir Həsənov, 44. Yuri Matias, 82. Refət Abbasov, 84. Hüseyn Babayev, 99. Ervin Koffi; yarımmüdafiəçilər - 5. Kenni Sayef, 7. Azər Əliyev, 8. Emin Mahmudov, 9. Andre Şinyaşiki, 10. Filip Ozobiç, 11. Kilab Lebon, 14. Eddi İsrafilov, 17. Rəhman Hacıyev, 21. İsmayıl Zülfüqarlı, 23. Ataa Cabir, 27. Fərid Yusifli, 92. Ömər Qurbanov;
hücumçular - 77. Yeqor Boqomolski, 91. Ağadadaş Salyanski.
Düzdü, Azər Əliyev ilk oyunu buraxacaq. Bu barədə “ağ-qaralar”ın baş həkimi Şaiq Zöhrablı klub saytına açıqlamasında bildirib.
Onun dediyinə görə, “Jelezniçar”la cavab görüşündə zədələnən müdafiəçinin bağlarında gərilmə və əzələlərində kəskin əzilmə müşahidə olunub. Dirsək oynağından müalicə alan 29 yaşlı oyunçunun qolu təxminən 7-10 gün sarğıda qalacaq. O, ağrıları tam azaldıqdan sonra fərdi məşqlərə başlayacaq.
“Beşiktaş”ın iki zədəli futbolçusu “Neftçi” ilə oyun ərəfəsində sağalıb. Əlcəzairli yarımmüdafiəçi Raşid Gezzal və hücumçu Cenk Tosun artıq dünəndən komandayla birgə məşqlərdə iştirak edir. Baş məşqçi Şenol Günəş onlardan ən azı birini Bakıya yollanacaq heyətə daxil etməyi planlaşdırır. Yeri gəlmişkən, Günəş həftəsonu start götürəcək superliqanın yeni mövsümünə hazır olduqlarını bildirib:
“Öncə “Neftçi”yə qalib gəlməliyik. Ondan sonra superliqa haqda düşünməyə başlayacağıq. Heç kimin əsas heyətlə bağlı zəmanəti yoxdu, hər kəs rəqabətə hazır olsun. Əvvəlcə avrokuboklarda işimizi həll edək, sonra çempionat barədə düşünərik”.
İLKİN SULTANLI
