Saxtakar və fırıldaqçı heç yerdə şakərindən əl çəkmir – istər Amerika olun, istərsə Azərbaycan!

“Football-plus.az” xəbər verir ki, “Hyuston”la “Nyu-Cersi”nin sabiq oyunçusu Terrens Uilyams tibbi sığorta ilə bağlı maxinasiya əməliyyatlarına görə 10 illik həbs cəzasına məhkum olunub. 36 yaşlı amerikalı ötən ilin avqustunda günahını boynuna alıb. “CBS Sports”un yaydığı xəbərdə qeyd olunur ki, Terrens əslində olmayan müalicələrlə bağlı saxta ərizələr yazmaqla MBA oyunçularının tibbi sığorta və sosial təminat proqlamlarının xidmətindən yararlanıb. Onunla yanaşı, ittiham aktında “Boston”un sabiq oyunçuları Qlen Devis və Toni Allenin, “Leykers”in sabiq müdafiəçisi Şennon Braunun və “Portlend”in sabiq oyunçusu Darius Maylzın da adı keçir.
Uilyams MBA-nın 2009 draftında “Nyu-Cersi” tərəfindən 11 nömrə altında seçilmişdi. O, “Hyuston”, “Sakramento” və “Boston”un da formasını geyib. Dünyanın aparıcı basketbol liqasında keçirdiyi 153 oyunda orta hesabla 7,1 xal, 3,5 ribaund və 2,4 məhsuldar ötürmə ilə yadda qalıb.