"Arenamızın adı "Neftçi Arena" oldu" - Fərrux Mahmudov
Konfrans Liqasının üçüncü təsnifat mərhələsinin "Neftçi" - "Beşiktaş" oyunu 8-ci kilometr qəsəbəsi stadionunda keçiriləcək.
"Football-plus.az" xəbər verir ki, bu barədə klubun baş icraçı direktoru Fərrux Mahmudov özünün sosial şəbəkə hesabında məlumat verib.
O həmçinin yazıb:
"Bu gündən etibarən arenamızın adı nə "Bakcell Arena", nə də "8-ci km Arena" adlanacaq. Arenamızın adı "Neftçi Arena" oldu. Yaxın zamanda bütün fasad reklamları stadionda dəyişəcək. Xeyirli uğurlu olsun!"
Qeyd edək ki, "Neftçi" - "Beşiktaş" oyununun avqustun 10-na keçirilməsi nəzərdə tutulub. Həmin gün Konfrans Liqasında Azərbaycanın digər təmsilçisi "Sabah"ın da "Partizan"la (Serbiya) matçı Bakıda keçiriləcəyindən, qaydalara əsasən, onlardan birinin oyunun vaxtında və ya məkanında dəyişiklik edilə bilər.
Digər xəbərlər
