"Komandada əhval-ruhiyyə çox yaxşıdı. Baş məşqçinin verdiyi tapşırıqlar üzrə işləyirik. Qarşıda "Neftçi" ilə ağır oyunumuz var. Bu matçı Azərbaycan derbisi adlandırardım. Çünki ölkənin iki tarixi klubu premyer-liqanın ilk turunda Gəncədə qarşılaşacaq. Bəlkə də yeni nəslin bu derbi haqda "Kəpəz"in son illər çempionluq mübarizəsi aparmamasına görə məlumatı olmaz. Bu matçlar hər zaman çətin keçib. Lakin "ağ-qaralar"la oyunda mövsümü açmaq bizim üçün də əlavə üstünlükdü. Doğma azarkeşlər önündə oynayacağıq. Əlimizdən gələni edəcəyik ki, fanatlarımızı sevindirək".

"Kəpəz"lə bu yay daha birillik müqavilə bağladım. Bu komanda mənə doğmadı. Həm də "sarı-göylər"in heyətində ilk dəfə premyer-liqada çıxış etmək həyəcanı yaşamışam. Çox istərdim ki, yenidən karyeramı Avropada davam etdirim. Yunanıstandan təklif gəlmişdi. Amma şərtlər qane etmədi. Hazırda bütün diqqətimi "Kəpəz"ə yönəltmişəm".