Deyəsən bu yay futbol tarixinin yeni transfer rekordu qırılmayacaq.

"Football-plus.az" xəbər verir ki, bilindiyi kimi Kilian Mbappe ilə bu yay vidalaşmağın yollarını axtaran PSJ-yə bu günlərdə Səudiyyə Ərəbistanından inanılmaz bir təklif gəlmişdi. ''Əl-Hilal''ın Paris nəhənginə 300 milyon avro, Mbappenin özünə isə illik 700 milyon avro təklif etməsi son günlərin dünya futbolunda ən çox müzakirə olunan mövzusudu. PSJ-nin bu təklifi qəbul etməsinin ardından ''Əl-Hilal'' rəhbərliyi dünən danışıqlar üçün Parisə gəldilər. Amma Fransanın ünlü ''Ekip'' nəşrinin yazdığına inansaq, Mbappe və onun ətrafı birmənalı şəkildə ərəblərlə görüşməkdən imtina edib!

Nəşr qeyd edir ki, məhşur fransalı forvardın karyerasının bu dönəmində Səudiyyə Ərəbistanına yollanmaq fikri qətiyyən yoxdu. Ona görə də bu transferin baş tutmayacağını artıq əminliklə söyləmək olar. Mbappe hələ də komandadan ayrı olaraq fərdi şəkildə məşqlərini davam etdirir. Belə görünür, 24 yaşlı forvard bir il Səudiyyə Ərəbistanında oynamaqdansa, PSJ-də bir il ehtiyatda qalmağa və gələn yay Parisi azad agent statusunda tərk etməyə razıdı.

ƏLİ