"Sabah bizi meydanda ciddi müdafiə olunan rəqib gözləyir"
Sabah "Qarabağ" Çempionlar Liqasında 1-ci təsnifat mərhələsində "Linkoln Red İmps"lə cavab oyununa çıxacaq.
"Football-plus.az" xəbər verir ki, matçdan öncə ağdamlıların baş məşqçisi Qurban Qurbanovun mətbuat konfransı keçirilib. Sizi mütəxəssisin fikirləri ilə tanış edirik:
"İlk oyunumuzu oynadıq. Səfərdə 2:1 hesabı ilə qalib gəldik. Heç də asan olmadı bizə. Hələ komandamız tam optimal formasından uzaqdı. Deməzdim ki, komanda tam istədiyim dinamikanı meydanda göstərir. Amma hazırlığımız yaxşı gedir. Ciddi yanaşırıq matça. Sabah bizi meydanda ciddi müdafiə olunan rəqib gözləyir. Bəzi elementlər var, onlara diqqət ayıracağıq. Futbolçularıma inanıram, güvənirəm. Yaxşı nəticə göstərmək istəyirik".
- Juninyo ilk matçda oynamamışdı. Hazırkı durumu nə yerdədi? Patrik Andrade komandaya necə qoşulub?
- Hər iki oyunçunun idman forması bir o qədər yaxşı deyil, orta səviyyədədi. Bizə gec qoşulublar. Onların hazırklığı bizi tam qaneedici səviyyədə deyil. Amma məşqlərdə çox ciddi çalışırlar. Juninyonun meydanda olub-olmamasına sabah qərar verəcəyik. İdman formalarından razı deyiləm. Vaxt lazımdı.
- Azarkeşlər "Qarabağ"ı daha çox Tofiq Bəhramov adına Respublika Stadionunda görməyə alışıb. Onlara nə demək istəyərdiz?
- Biz Bakıdayıq, Bakı bizimdi. Hər bir yeri bizim üçün doğmadı. Azarkeşlərin rahatlığını da düşünmək istəyərdik. Oyunların çoxunu Tofiq Bəhramovda keçiririk. Hansı ki, bizə daha doğmadı. Futbolçular üçün bəlkə daha asandı. Azarkeşlərə də ora gəlmək daha asan olar. Amma BOS-da da maraqlı oyunlarımız olub. Meydançanın durumu da futbolçuları qane edir. İnanmıram ki, azarkeşlər hansısa çətinliyə görə bizdən uzaq qalsınlar. "Qarabağ" azarkeşləri daha çox çətin anlarda komandanın yanında olublar. Buna çətin an deməzdim. Sadəcə ola bilər stadiona gəlməyə vaxt çox gedə bilər. Sabah azarkeşlərimizi burda gözləyirik. Onlar üçün maraqlı, baxımlı oyun oynamağa çalışacağıq.
- Bir neçə futbolçu getdi, yeniləri gəldi. Yaxın günlərdə heyətdə dəyişikliklər gözlənilir? Hansı mövqe üçün yeni oyunçular düşünürsüz?
- Deməzdim ki, ciddi dəyişiklik gözlənilir. Futbolçularımdan çox razıyam. Hansı mövqeyə hansısa oyunçunu yerləşdirsək, çalışırlar ki, tapşırığı düzgün yerinə yetirsinlər. Çox yaxşı kollektiv formalaşıb. Bir-iki əlavə oyunçu götürə bilərik. Olmasa da, indikilər bizi qane edir. Onlarla yaxşı kollektiv formalaşdırmağa çalışacağıq.
- Ötən mövsümkü bombardirlər komandadan ayrıldı...
- Çalışırıq ki, komandada yeni bombardirlər olsun. Hər birinə uğurlar arzulayıram.
- Bu stadionda avrokuboklarda "Qarabağ"ın qələbəsi yoxdu. Sindromu qıra biləcəksiz?
- Belə şeylərə baxan deyilik. Bu cür düşüncələrə diqqət ayırmaq istəmirik. Allah qoysa, bu stadionda da uğurlu nəticələrimiz də olacaq.
