“Hazırlığımız planlaşdırdığımız kimi gedir. Gün keçdikcə özümü daha yaxşı hiss edirəm. Təbii ki, təlim-məşq toplanışları futbolçuların fiziki durumlarının yaxşılaşdırılmasına hesablanıb. İlk növbədə bunu düşünürük. Ağır məşqlərin fonunda yoxlama oyunlarının keçirilməsi də bizə əlavə güc verir. Ümumiyyətlə, komandada yaxşı əhval-ruhiyyə var. Hamımız istəkliyik. Qısa zamanda formaya düşmək istəyirik. Bu da sevindirici məqamdı. Bütün yorğunluqlara baxmayaraq, hər şey qaydasındadı. Hazırlıq mərhələsini müsbət qiymətləndirərdim. Yoxlama görüşlərindəki nəticələr önəmli deyil. Bunlar sınaq qarşılaşmalarıdı. Yenə deyirəm, bizim üçün əsas məqam qısa zamanda formaya düşərək baş məşqçimizin sərəncamında olmaqdı”.