“Miluoki” Edrian Qriffinin baş məşqçi vəzifəsinə təyin olunduğunu xəbər verib.

"Football-plus.az" xəbər verir ki, “The Athletic”in insayderi Şəms Çaraniyanın yaydığı məlumata görə, klub rəhbərliyi onunla “Qolden Steyt”də baş məşqçinin köməkçisi olan Kenni Atkinson arasında seçim edib. Ancaq “Miluoki”nin lideri Yannis Adetokunbonun Qriffinin xeyrinə seçim etməsi həlledici olub. Qriffin karyerası boyunca baş məşqçinin köməkçisi olub. 2008-10 aralığında “Miluoki”də, ardından “Çikaqo”, “Orlando”, “Oklahoma-Siti” və “Toronto”da. 2019-cu ildə sonuncu komanda ilə MBA-nın çempionu olub.

Xatırladaq ki, “Miluoki” bir müddət əvvəl Mayk Budenholtseri baş məşqçi vəzifəsindən qovmuşdu. Cari mövsümdə müntəzəm çempionatı lider kimi bitirən komanda pley-offun ilk mərhələsində “Mayami”yə uduzub (1:4).

Bu arada Çaraniya daha bir maraqlı xəbər yayıb. Onun dediyinə görə, “Dallas”ın müdafiəçisi Kayri İrvinq “Leykers”in forvardı Lebron Ceyms ilə əlaqə saxlayaraq onun komandasına mümkün keçidini müzakirə edib. 31 yaşlı İrvinq bu yay azad agent olacaq. Başa çatan mövsümdə Qərb konfransında 11-ci yeri tutan “Dallas” pley-offa vəsiqə qazana bilməyib. “Leykers” isə Qərb konfransında finala qədər irəliləyərək burda “Denver”ə uduzub (0:4).