''1994-cü ildə doğulmuşam. Ona görə o dönəmə aid çox şeyi xatırlamıram. Bizim yaşadığımız illərdə hər şey qaydasında idi. Düzdü, bəzən bomba təhlükəsi ilə məktəbə zəng vururdular. Hətta 3-4 dəfə bizi məktəbdən təxliyə də etmişdilər. Amma hər dəfə məlum olurdu ki, kimsə sadəcə zarafat edir. Ciddi olay yaşanmırdı. Dava-dalaşlar isə Dağıstan məhəllələri üçün sıradan bir şey idi.

Valideynlərimiz bizi müəyyən yaşa qədər demək olar, evdən çölə buraxmırdı. Amma böyüdükdən və məktəbə getməyə başladıqdan sonra artıq özünü qorumağı bacarmalısan. Təbii ki, mənim də dalaşdığım vaxtlar olurdu. Dağıstanda bunsuz mümkün deyil. Yoxsa, səni dərhal ''yeyərlər''.