Bu gün Misli premyer-liqasında 2022/23 mövsümünə yekun vurulub.

"Football-plus.az" xəbər verir ki, qarşılaşmaların hamısı “CBC Sport” telekanalı vasitəsiylə canlı yayınlanıb.

Misli premyer-liqası
4-cü dövrə, 36-cı tur
28 may
Neftçi – Sabah 1:0
Emin Mahmudov, 10
“Neftçi”nin bu rəqiblə ev oyunlarının balansı: 9:+6=1-2, 17:7.
2018/19 - 2:0, 3:0; 2019/20 - 1:1, 4:0; 2020/21 - 1:0, 2:1; 2021/22 - 1:2, 1:0; 2022/23 – 2:3.
Cəzalılar: Kristian Sebalyos, Anatoli Nuriyev (hər ikisi “Sabah”).
“Futbol+”in proqnozu: 30-40-30.
Bakı. “Bakcell Arena”. Saat 17.00

Premyer-liqanın 36-cı turunun son günündə derbi izləmək imkanımız olacaq. Bu görüşün nəticəsi çempionata təsir etməyəcək. Lakin qarşılaşma hər iki komanda üçün əhəmiyyətlidi. “Neftçi” bu mövsüm “Sabah”ı məğlub edə bilməyib. Laurentsiu Regekampfın əsas hədəfi Murad Musayevin komandasına qalib gəlməkdi. Çünki azarkeşlər nəticələrə görə flaqmandan küsüb. Rumıniyalı mütəxəssis qələbə sayəsində fanatların könlünü almağa çalışacaq.

“Bayquşlar” isə tarixində ilkə imza atmaq istəyir. Belə ki, onlar indiyə kimi “Neftçi”ni bir mövsüm ərzində bütün oyunlarda məğlub edə bilməyib. Məhz buna görə Murad Musayevin komandası qarşılaşmaya ciddi yanaşacaq.

Ümumiyyətlə, komandalar indiyə kimi Azərbaycan çempionatlarında 18 dəfə üz-üzə gəlib. Bu görüşlərin 12-də flaqman, 4-də “bayquşlar” sevinən tərəf olubsa, 2 dəfə “sülh bağlanıb”. Topların nisbətində də “ağ-qaralar” öndədi - 31:15.

Qarabağ – Turan Tovuz 3:1
Redon Cica, 2, Leandro Andrade, 47, Musa Qurbanlı, 72 - Runi Eva, 61
“Qarabağ”ın bu rəqiblə ev oyunlarının balansı: 1:+1=0-0, 3:0.
2022/23 – 3:0.
Cəzalı: Ramil Şeydayev (Qarabağ).
“Futbol+”in proqnozu: 40-30-30.
Bakı. “Azərsun Arena”. Saat 19.30

Mövsümün son matçı Suraxanıda keçiriləcək. Çempion “Qarabağ” “Turan Tovuz”u qəbul edəcək. Qarşılaşma meydan sahibləri üçün o qədər də əhəmiyyətli deyil. Lakin ağdamlılar mövsümü qələbə ilə başa vurmaq istəyəcək. “Boz qurd” da bu görüşə böyük istəklə çıxacaq. Çünki Ayxan Abbasovun komandası bu mövsüm yalnız “Qarabağ”ı məğlub edə bilməyib. Qalan komandalar üzərində isə azı bir qələbəsi var. Bu səbəbdən də tovuzlular görüşə ciddi yanaşacaq. Həmçinin 4 turdu məğlub olmayan Qərb təmsilçisi bu statistikanı qorumağa çalışacaq.

27 may

Səbail – Şamaxı 1:0
Franko Nazurek, 45+1
“Səbail”in bu rəqiblə ev oyunlarının balansı: 11:+2=5-4, 8:14.
2017/18 - 1:0, 0:1; 2018/19 - 2:1, 1:4; 2019/20 - 0:0, 1:1; 2020/21 - 1:1, 1:1; 2021/22 - 1:2, 0:3; 2022/23 – 0:0.
Cəzalı: Qoba Zakpa (Səbail).
“Futbol+”in proqnozu: 30-40-30.
Bakı. “ASCO Arena”. Saat 20.00

Mövsümün ən vacib matçı Səbail rayonunda baş tutacaq. Bu görüşdə premyer-liqanı tərk edəcək komandanın adı bəlli olacaq. Xal ehtiyatına əsasən “dənizçilər” elitada yerini qorumağa daha yaxın görünür. Lakin “Şamaxı” da 1-ci diviziona düşmək istəmir. Bu görüş əhəmiyyətinə görə Çempionlar Liqasının final matçından belə geri qalmır. Təbi ki, tərəflərin marağı baxımından. Necə olacağını isə meydanda görəcəyik.

Komandalar indiyə kimi 22 dəfə qarşılaşıb. Qələbə sayında bərabərlikdi (7). 8 oyunda isə qalib müəyyənləşməyib. Topların nisbətində şamaxılılar öndədi – 22:23.

Sumqayıt – Zirə 0:3
Rəhim Sadıxov, 10, 67. Toni Qomes, 89
“Sumqayıt”ın bu rəqiblə ev oyunlarının balansı: 15=+5=3-7, 11:17.
2015/16 - 0:0, 0:2; 2016/17 - 1:0, 1:1; 2017/18 - 2:1, 1:2; 2018/19 - 1:0, 0:1; 2019/20 - 1:2, 2:1; 2020/21 - 2:1, 0:0; 2021/22 - 0:3, 0:1; 2022/23 – 0:2.
Cəzalılar: Todor Todoroski, Vüqar Mustafayev (hər ikisi “Sumqayıt”), Hamidu Keyta (Zirə).
“Futbol+”in proqnozu: 30-30-40.
Sumqayıt. “Kapital Bank Arena”. Saat 17.30

“Sumqayıt” premyer-liqada yerini təmin edib. “Kimyaçılar” ötən tur son çempion “Qarabağ”ı səfərdə məğlub etməklə bunu bacardı. Bu üzdən Samir Abasovun komandası meydana rahat çıxacaq. “Zirə”nin iş isə qəlizdi. “Qartallar” bu görüşə mütləq qələbə hədəfiylə çıxacaq. Rəşad Sadıqovun komandası Konfrans Liqasında iştirak etmək istəyir. Lakin bu, öz əllərində deyil. Bakı klubu “Sumqayıt” üzərində qələbə qazanmaqla yanaşı, “Qəbələ”nin “Kəpəz”ə uduzmasını gözləməlidi.

Komandalar indiyə kimi Azərbaycan çempionatlarında 30 dəfə üz-üzə gəlib. Bu görüşlərin 6-da “kimyaçılar”, 16-da “qartallar” qələbə qazanıbsa, 8-də heç-heçə qeydə alınıb. Topların nisbətində də Bakı klubu öndədi – 40:22.

Qəbələ - Kəpəz 1:1
İsnik Alimi, 45+4-p. - Zamiq Əliyev, 80
“Qəbələ”nin bu rəqiblə ev oyunlarının balansı: 11:+5=3-3, 15:7.
2010/11 - 0:0; 2011/12 - 1:1, 2:0; 2012/13 - 2:0; 2015/16 - 1:0, 1:2; 2016/17 - 2:0, 2:1; 2017/18 - 0:2, 3:0; 2022/23 – 1:1.
Cəzalı: Yeqor Xvalko (Kəpəz).
“Futbol+”in proqnozu: 40-40-20.
Qəbələ. Şəhər stadionu. Saat 17.30

Bu, “Qəbələ” üçün mövsümün oyunudu. Elmar Baxşıyevin yetirmələri Konfrans Liqasına vəsiqə qazanmaq istəyirsə, “Kəpəz”lə matçda azı 1 xal qazanmalıdı. Bunu edəcəkləri təqdirdə Avropanın qapıları açılacaq. “Kəpəz” isə iki tur əvvəldən premyer-liqada yerini təmin edib. Bu səbəbdən də Tərlan Əhmədovun komandası rahatdı. İstənilən halda, gəncəlilər mövsümü qələbə ilə başa vurmaq istəyəcək.

Ümumiyyətlə, komandalar indiyə kimi Azərbaycan çempionatlarında 23 dəfə münasibətləri aydınlaşdırıb. Bu görüşlərin 10-da “qırmızı-qaralar”, 6-da “sarı-göylər” qələbə qazanıb. 7 matç isə “sülh”lə bitib. Topların nisbətində də qəbələlilər öndədi – 31:20.

1. Qarabağ 36 28 6 2 91-25 90
2. Sabah 36 25 6 5 75-24 81
3. Neftçi 36 20 8 8 63-38 68
4. Qəbələ 36 13 11 12 47-47 50
5. Zirə 36 13 11 12 45-46 50
6. Turan Tovuz 36 10 9 17 36-49 39
7. Sumqayıt 36 8 7 21 26-70 31
8. Kəpəz 36 6 13 17 34-62 31
9. Səbail 36 7 8 21 32-62 29
10. Şamaxı 36 4 13 19 26-52 25

Bombardirlər: Ramil Şeydayev (Qarabağ) – 22, Musa Qurbanlı (Qarabağ) – 21, Coy-Lens Mikels (Sabah), Emin Mahmudov (Neftçi), – 17, Aleksey Kaşuk (Sabah) – 16.