“Bildiyiniz kimi, 2023-cü il ölkəmizdə ulu öndər Heydər Əliyev ili elan olunub. Bu səbəbdən Minifutbol Federasiyasının rəhbərliyi Bakıda möhtəşəm turnir keçirməyi qərara aldı. Məsələ ilə bağlı həm dünya, həm də Avropa Minifutbol Federasiyasına məlumat verildi. Hər iki qurum təklifimizi yüksək qiymətləndirdi və Bakıda keçiriləcək yarışda iştirakdan məmnun olacaqlarını bildirdi. Bundan sonra federasiyalara müraciət etdik və gözlədiyimizdən çox ölkə yarışa qatılmaq istəyində olduğunu söylədi. Əvvəlcə 8 komandalı turnir nəzərdə tutmuşduq. Ancaq yarışa qatılmaq istəyənlərin sayı çox olduğundan 10 komandaya dəvət göndərdik. 10 milli hərəsində 5 olmaqla iki qrupda mübarizə aparacaq.

Yarışın mükafat fondunun 7 min avro olacağı planlaşdırılıb. Çempiona 5, ikinci yeri tutana isə 2 min avro veriləcək. Ola bilsin, bu məbləğ dəyişdi. Final və 3-cü yer uğrunda qarşılaşmalar mayın 6-da keçiriləcək. Oyunlar Bakı Tennis Akademiyasının stadionunda təşkil olunacaq.

Yayınla bağlı idman telekanalları ilə danışıq aparılır. Yaxın günlərdə bu suala da aydınlıq gələcək. Tunirdə oyunları idarə edəcək hakimləri dünya və Avropa Minifutbol Federasiyası təyin edib. Ən güclü hakimləri Bakıda görəcəyik. Onlarla yanaşı, yerli ədalət təmsilçiləri də iş başında olacaq. Turnirin yaddaqalan, möhtəşəm keçirilməsi üçün federasiya rəhbərliyi tapşırıqlar verib. Bütün azarkeşləri mayın 1-dən 6-dək keçiriləcək turnirə dəvət edirik. Dünyanın ən yaxşı minifutbol yığmaları Azərbaycanın qonağı olacaq”.