“AFFA-nın son qərarlarını futbolsevərlər adından dəstəkləyirik” - Lənkəran təmsilçisinin rəsmisi
AFFA İcraiyyə Komitəsinin martın 7-də keçirilən iclasında vacib qərarlar qəbul olundu. Belə ki, 2023/24 mövsümündə 1-ci divizionda əvəzedici komandaların çıxışına icazə verilməyəcək. Yarışda müstəqil komandalar iştirak edəcək və Region Liqası təmsilçilərinin hesabına say 10-a çatdırılacaq. Əvəzedicilərin çempionatı isə ayrı olacaq. Həmçinin divizion təmsilçilərinin hərəsinə AFFA 300 min manat yardım edəcək.
"Football-plus.az" olaraq, bununla bağlı Region Liqasında mübarizə aparan “Xəzər Lənkəran 42”nin idman direktoru Höccət Hacıyevin fikirlərini öyrəndik:
"AFFA-nın son qərarlarını "Xəzər Lənkəran" camiəsi və futbolsevərlər adından dəstəkləyirik. Əvəzedicilərlə divizion təmsilçilərinin fərqli çempionatlarda oynaması da futbolumuzu inkişafa aparacaq. Diviziona isə bazası, stadionu olan bölgə klublarının gətirilməsini istərdik. Bundan yalnız ölkə futbolu qazanacaq".
Digər xəbərlər
