''Barselona'' tarixində iz buraxan oyunçulardan olan Samuel Eto'onun son açıqlaması futbol dünyasında müzakirələrə səbəb olub.

"Football-plus.az" xəbər verir ki, hazırda Kamerun Futbol Federasiyasının prezidenti vəzifəsini icra edən 41 yaşlı Eto'O 2004-09-cu illərdə ''Barsa''da çıxış edərək 100-dən çox qol vurub. Eto'O bir sənədli filmdə açıqlama verərkən ondan iki sabiq fransalı forvard Tyerri Anri ilə Nikolya Anelkanı müqayisə etmək xaiş olunub: ''Anri yaxşı oyunçu idi, amma Anelka ilə eyni səviyyədə deyildi. Anridənsə başqa oyunçulara üstünlük verərəm. İstənilən halda o, səviyyəcə məndən geri qalırdı. Bəxtimdən və ya bəxtsizliyimdən Fransa yığmasında oynamamışam. Bu yığmada oynayanların əlavə üstünlükləri var idi. Ona görə yox ki, bu dərəcədə güclü idilər. Ona görə ki, Fransa onları yaxşı reklam edib satmağı bacarırdı. Bunun sayəsində elə təsəvvür yaranırdı ki, o oyunçular bizim səviyyəmizdədi''. Qeyd edək ki, Anri ilə Eto'O ''Barsa''da iki mövsüm (2007/08, 2008/09) birlikdə top qovublar.