Dünyanın ən güclü basketbol liqasının, ümumiyyətlə, bu oyunun həvəskarları böyük tarixi hadisə ərəfəsindədi.

Football-plus.az xəbər verir ki, söhbət möhtəşəm, uzun illər ərzində yaşayan rekordun qırılmasından gedir. Bəli, “Leykers”in ulduzu Lebron Ceyms MBA-nın xal sayına görə rekordunu qırmağa çox yaxındı. “Gölməçəsevərlər”in forvardı komandasının dünən “İndiana”nı məğlub etdiyi oyunda 26 xal topladı. Artıq hesabında 38325 xal olan Lebron MBA rekordçusu Kərim Əbdül-Cabbardan cəmi 62 xal geri qalır, yəni növbəti 63 xal onu vahid rekordçu edəcək. Bu üzdən “Leykers”in çempionatdakı hər oyununun diqqət mərkəzində olması təbiidi.

“Leykers” sabah səfərdə “Nyu-Orlean”la qarşılaşacaq. Lebronun məhz bu oyunda yeni rekord müəyyənləşdirməsi çətin görünür. Hər halda, bir oyunda 63 xal toplamaq çətin vəzifədi. MBA rəhbərliyi oyuna marağı nəzərə alaraq, əvvəlcədən nəzərdə tutulan vaxtdan iki saat gec başlamasına qərar verib. Lebron lap bu oyunda arzusuna çatmasa belə, fevralın 8-də - “Oklahoma-Siti” ilə ev oyununda Əbdül-Cabbarı arxada qoyacağı şübhə doğurmur. Məhz həmin oyun ətrafında ajiotaj inanılmaz həddə çatıb.

Təsəvvür edin ki, biletin qiyməti 92 min dollara çatıb! Lebron özü də rekord ətrafında söz-söhbətə münasibət bildirib: “Bu, bütün idman növlərindəki ən möhtəşəm rekordlardan biridi. Beysboldakı houmran rekordu kimi. Bu elə rekordlardandı ki, onun haqqında heç vaxt qırılmayacağını düşünürsüz. Məsələn, lap çoxdan rekordu özündə saxlayan Henk Aaron kimi oğlanlara baxırsız. Ancaq sonra öz işinizi görməyə başlayırsız və tədricən zirvəyə qalxırsız. Və belədə yeni fikir yaranır:

“O-oo, həqiqətən də belə ola bilərmiş”. İdmanda rekordları yeniləmək maraqlı işdi. Bütün bu rekordların arxasınca qaçan oğlanları izləmək maraqlıdı”.