Elmar Baxşıyev: "Futbolçularımızın çoxuna yaxşı təkliflər var"
Premyer-liqanın 19-cu turunun açılış matçında "Kəpəz" "Qəbələ" ilə heç-heçə edib - 2:2.
Football-plus.az xəbər verir ki, görüşdən sonra qonaqların baş məşqçisi Elmar Baxşıyev görüş haqda fikirlərini səsləndirib:
“Heyətin geniş olmasını istəyirəm. Amma transfer məsələsində heç bir yenilik yoxdu. Bir aylıq fasilədən sonra ilk rəsmi oyunumuzun ağır olacağını bilirdik. “Kəpəz” də yaxşı təşkilatlanmış, heyətində maraqlı futbolçuları olan komandadı. Birinci hissədə oyunumuz istədiyimiz kimi alınmadı. Qapımıza təyin olunan ilk penaltidən sonra matçın ritmini itirdik. Amma xarakter nümayiş etdirdik və ikinci hissədə istədiyim “Qəbələ”ni meydanda görə bildim. İnamlı mübarizəyə görə, hər iki komandaya alqış düşür”.
Digər xəbərlər
