Bu gün AFFA İntizam Komitəsinin iclası keçirilib.

Football-plus.az xəbər verir ki, toplantıda AFFA-nın təşkil etdiyi qızlardan ibarət çempionatlardan yaşananlarla bağlı aşağıdakı qərarlar qəbul edilib:

24.12.2022-ci il tarixində AFFA U-12 Qızlar Liqasında keçirilməsi nəzərdə tutulan “Kür” (Samux) – “Gəncə İdman liseyi” (Gəncə) oyununda “Gəncə İdman liseyi” komandasının heyətində yetərsay olmadığı üçün oyunun baş tutmamasına görə “Gəncə İdman liseyi” komandasına 0:3 hesabı ilə məğlubiyyət verilsin. (maddə 55.1).

24.12.2022-ci il tarixində AFFA U-12 Qızlar Liqasında keçirilməsi nəzərdə tutulan UGİM (Naftalan) – “Kəpəz” PFK (Gəncə) oyununda UGİM komandasının heyətində yetərsay olmadığı üçün oyunun baş tutmamasına görə UGİM komandasına 0:3 hesabı ilə məğlubiyyət verilsin. (maddə 55.1).

25.12.2022-ci il tarixində AFFA U-17 Qızlar Liqasının “Gömrükçü” FK – “Fidan” oyununda “Fidan” komandası təyin olunan vaxtda oyuna gəlmədiyi üçün oyunun keçirilməməsi səbəbindən “Fidan” klubuna 0:3 hesablı texniki məğlubiyyət verilsin. (maddə 55.1).

25.12.2022-ci il tarixində AFFA U-17 Qızlar Liqasının 8 №-li iOEUGiM – “Baku Sporting” oyununda 8 №-li iOEUGiM komandasının heyətində yetərsay olmadığı üçün oyunun baş tutmamasına görə 8 №-li iOEUGiM komandasına 0:3 hesabı ilə məğlubiyyət verilsin. (maddə 55.1).

24.12.2022-ci il tarixində AFFA Yüksək Qızlar Liqasının “Balxurma” – 8 №-li iOEUGiM oyununda “Balxurma” komandası əsasnaməyə uyğun təvəllüd limitini pozduğu üçün “Balxurma” komandasına 0:3 hesabı ilə məğlubiyyət verilsin. (maddə 50.5).

24.12.2022-ci il tarixində AFFA Yüksək Qızlar Liqasının “Balxurma” – 8 №-li iOEUGiM oyununda “Balxurma” komandasının 21 nömrəli oyunçusu Fatimeyi Zəhra Hüseynli oyunun 76-cı dəqiqəsində hakimin qərarına etiraz etdiyinə görə ikinci sarı vərəqə (nəticədə qırmızı vərəqə) alaraq oyun meydanından kənarlaşdırıldığı üçün 1 oyun cəzalandırılsın. (maddə 47.2).

24.12.2022-ci il tarixində AFFA Yüksək Qızlar Liqasının “Balxurma” - 8 №-li iOEUGiM oyununda 8 №-li iOEUGiM komandasının 5 nömrəli oyunçusu Rabiyə Mustafayeva oyunun 88-ci dəqiqəsində hakimin qərarına etiraz etdiyinə görə ikinci sarı vərəqə (nəticədə qırmızı vərəqə) alaraq oyun meydanından kənarlaşdırıldığı üçün 1 oyun cəzalandırılsın. (maddə 47.2).

24.12.2022-ci il tarixində AFFA Yüksək Qızlar Liqasının “Qəbələ” – “Mingəçevir” oyununda “Mingəçevir” komandasının 11 nömrəli oyunçusu Mehriban Həmzə oyunun 90-cı dəqiqəsində qeyri-idman hərəkətinə görə ikinci sarı vərəqə (nəticədə qırmızı vərəqə) alaraq oyun meydanından kənarlaşdırıldığı üçün 1 oyun cəzalandırılsın. (maddə 47.1).