Andrey Pavelko həbs edilib. Ukrayna Futbol Assosiasiyasının (UFA) prezidenti maliyyə fırıldaqlarında şübhəli bilinir.

Football-plus.az xəbər verir ki, Pavelko 2023-cü il yanvarın 22-dək azadlıqdan məhrum edilib.

Ukrayna mənbələrinin məlumatına görə, məhkəmə qərarında 9,88 milyon qrivna (təxminən 270 min dollar) məbləğində girov qoymaq ilə bağlı bənd də var. Bir neçə gün əvvəl yerli KİV-in yaydığı məlumatda UFA-nın rəhbərinin futbol meydançaları üçün süni örtük istehsal edən zavodun tikintisi ilə bağlı sövdələşmə üzrə külli miqdarda pul mənimsəməkdə şübhəli bilindiyi qeyd edilmişdi.