Dünən Argentina Çempionlar kubokunun finalı keçirilib.

Football-plus.az xəbər verir ki, qarşılaşmada “Rasinq” “Boka Xuniors”u 2:1 hesabı ilə məğlub edib.

Oyunun maraqlı məqamları hakimliklə bağlı olub. Referi Fakundo Telyo görüş ərzində futbolçulara nə az, nə çox 10 qırmızı vərəqə göstərib.

Qətərdəki dünya çempionatındakı matçları da idarə edəcək hakim “Boka Xuniors”un 7, “Rasinq”in 3 futbolçusunu, meydan sahiblərinin baş məşqçisi Uqo İbarranı meydandan qovub.