Rauf gənclərdən geri qaldı

Azərbaycan Şahmat Federasiyasının Gənclər və Yeniyetmələr Komissiyasının təşkilatçılığı ilə milli komandanın üzvləri, fərqli yaş qrupları üzrə ölkə çempionatının mükafatçıları və reytinqi 2200-dən yuxarı olanlar arasında rapid turniri keçirilib.

“Football-plus.az” saytının məlumatına görə, 41 şahmatçının qatıldığı yarış 7 turdan ibarət olub. 5,5 xal toplayan Vüqar Manafov bütün rəqiblərini qabaqlayıb. Eyni xala malik Xəzər Babazadə əlavə göstəricilərə görə ikinci yeri tutub. Milli komandanın üzvü Rauf Məmmədov isə üçüncü yerlə kifayətlənib.