Sabah Türkiyənin Konya şəhərində yeniyetmə və gənclərdən arasında karate üzrə dünya çempionatı start götürəcək.

“Football-pls.az” saytının məumatına görə, millimiz yarışda byük heyətlə təmsil olunacaq. Azərbaycan Milli Karate Federasiyasının prezidenti Yaşar Bəşirovun rəhbərlik etdiyi heyətdə 6 məşqçi, 3 hakim və 28 idmançı yer alıb. Kumite üzrə yeniyetmə və gənclərin baş məşqçisi Anar Allahverdiyev, böyük məşqçilər Seymur Xudaverdiyev və Şahin Atamov 14-15 yaşlı yeniyetmələrdə 10 karateçinin, 16-17 yaşlı gənclərdə 9, 21 yaşadək gənclərdə isə 9 idmançının çıxışına üstünlük verib.

Süleymanov (68 kq), Rumil Jəfərli (76 kq), Vahid Həsənov (+76 kq), Fatimə Cəbrayılova (48 kq), Aysu Əliyeva (50 kq), Aysel Qasımova (59 kq) və Nuray Nağiyeva (+59 kq), 21 yaşadək gənclərdə isə Əminağa Quliyeva (60 kq), Nuran Rzazadə (67 kq), Fərid Ağayev (75 kq), Hüseyn Hüseynzadə (84 kq), Osman Osmanlı (+84 kq), Xumar Əlibəyova (50 kq), Fatma Zeynalova (55 kq) və Ayla Rzazadə (61 kq) medallar uğrunda mübarizə aparacaq.

Kata millimizin baş məşqçisi Vahid Ayvazov 14-15 yaşlı yeniyetmələrdə Salman Salmanovla Ramilə Heydərovanı, həmçinin 21 yaşadək gənclərdə Həsənəli Həsənovu müşayiət edəcək.

Qeyd edək ki, beynəlxalq hakimlərdən Cahangir Babayev, Vüqar Kərimov və yarışdan öncə kumite üzrə ən yüksək dərəcə imtahanı verən Rənad Əliyev referilər arasında olacaq. Mundiala oktyabrın 30-da yekun vurulacaq.