"Qolden Boy" mükafatının 2022-ci il üçün namizədləri açıqlanıb.

Football-plus.az xəbər verir ki, Avropanın ən yaxşı gənc futbolçusu adına iddialıların siyahısında 60 oyunçu yer alıb.

Namizədlər arasında: Kərim Adeyemi, Cud Bellinqem (hər ikisi "Borussiya" D), Eduardo Kamavinqa ("Real" M), Pedri, Ansu Fati, Qavi (hamısı "Barselona"), Karni Çukvuemeka ("Çelsi"), Harvi Elliott ("Liverpool"), Hüqo Ekitik, Nuno Mendes (hər ikisi PSJ), Antoni Elanqa ("Mançester Yunayted"), Rayan Qravenbex, Camal Musiala (hər ikisi "Bavariya") var.

Qeyd edək ki, mükafat 21 yaşdan kiçik oyunçular üçün nəzərdə tutulub. Titulun son sahibi "Barselona"nın yarımmüdafiəçisi Pedridi.