“Vulverhempton”da baş məşqçi istefası qaçılmaz olub. Rəhbərlik Bruno Laje ilə yolları ayırıb.

Football-plus.az xəbər verir ki, İngiltərə klubunun saytı 46 yaşlı mütəxəssisin istefaya göndərildiyini açıqlayıb. Laje “Vulverhempton”u ötən ilin yayından çalışdırırdı. Komanda bu mövsüm İngiltərə çempionatının ilk 8 turunda yalnız 1 qələbə qazanıb və hazırda turnir cədvəlində 6 xalla 18-ci yerdədi.

Rəhbərlik Lajenin yerinə son illər “Sportinq”dəki uğurlu fəaliyyəti ilə seçilən Ruben Amorimi təyin etmək istəyir. Amma 37 yaşlı mütəxəsis Portuqaliya klubuna müqavilə ilə bağlıdı. “San” qəzetinin xəbərinə görə, Amorimin indi “Vulverhempton”a gəlişi yalnız 22,5 milyon avro təzminat əvəzində mümkün ola bilər.