18 yaşadək futbolçulardan ibarət Azərbaycan milli komandasının oktyabrın 13-dən 16-dək Bakıda, 17-dən 21-dək isə Gürcüstanın Rustavi şəhərində təlim-məşq toplanışı olacaq.

Football-plus.az xəbər verir ki, Bakı toplanışından sonra Gürcüstana gedəcək yekun heyət müəyyənləşəcək. Millimiz hazırlıq çərçivəsində oktyabrın 18-də və 21-də gürcüstanlı yaşıdları ilə iki yoldaşlıq oyunu keçirəcək. Toplanışa aşağıda adları qeyd olunan futbolçular çağırılıb. Heyəti diqqətinizə çatdırırıq:

Xəyal Fərzullayev ("Sumqayıt"), Vaqif Malik Yeganov ("Qarabağ"), Rəvan Mirzəmmədov, Həmzəalı Mikayılov, Fəxri Məmmədli, Tuncay Cəfərli(hamısı "Sabah"), Murad Musayev, Samir Ağayev, Ravil Qafarov, Eşqin Əhmədov, Şahin Şahniyarov, Rüfət Bədəlzadə, Sənan Ağalarov, Elmir Hüseynli (hamısı "Qəbələ"), Aslan Şirinov, Rüfət Abbasov, Lətif Rzayev (hamısı "Neftçi"), Hacıəli Şirəliyev ("Səbail"), Murad Ələkbərov ("Zirə"), Edqar Ədilxanov ("Şamaxı"), Arif İsrafilbəyov, Sadiq Şəfiyev (hər ikisi"Turan Tovuz"), Cavid Məmmədli ("Mingəçevir").