“Brayton” bir oyunçusunu itirib. İngiltərə klubunda çıxış edən Enok Mvepu 24 yaşında karyerasını başa vurub.

Yerli mənbələrin yaydığı xəbərə görə, yarımmüdafiəçi bu qərarı ürəyindəki problemə görə verib. Zambiyalı futbolçu sosial şəbəkə hesabında etdiyi paylaşımda həkimlərin məsləhəti ilə karyerasını bitirdiyini bildirib.

Mvepu “Brayton”a 2021-ci ilin yayında “Zaltsburq”dan transfer olunub. O, İngiltərə klubunda 27 matç keçirib, 3 qol vurub və 7 məhsuldar ötürmə edib.