“Olimpiakos”la ev oyununun biletləri yaxın günlərdə satışa çıxarılacaq. Bunu mümkün qədər tez etməyə çalışırıq. Sadəcə, bəzi detallar var. Bunlar həllini tapandan sonra biletlər satışa çıxarılacaq. Rəqibin Bakıya gələcəyi tarixlə bağlı isə hələ məlumatımız yoxdu”.

“Yunanıstanda təxminən 20-ə yaxın azarkeş komandamızı dəstəkləyirdi. Bu ölkədə soydaşlarımız azlıq təşkil edir. İnsident isə hələ oyundan əvvəl baş verdi. Məlum olduğu kimi, qapı arxasındakı 7-ci sektor bağlı idi. Ona görə rəqib azarkeşlərlə bizimkilər bir-birinə yaxın idi. Onlar hücum etdilər. Oturacaqları qırıb bizimkilərin üzərinə atırdılar. Polisin müdaxiləsindən sonra isə insident yerli azarkeşlərlə asayiş keşikçiləri arasında yaşandı. Bizim klubun da müdaxiləsindən sonra azarkeşlərimiz fərqli, təhlükəsiz sektorda yerləşdi. Oyun bitəndən sonra xüsusi avtobuslarla, təhlükəsizlik xidmətinin əməkdaşlarının müşayiəti ilə azarkeşlərimiz yola salındı. Bununla bağlı klub bizdən üzr istəmədi. Dedilər ki, bu sizin azarkeşlərlə olan problem deyil. Bizim fanklubumuzun incikliyidi. Onlar UEFA-nın verdiyi 1 dəqiqəlik sükut qərarına da əməl etmədilər. Oyunun gedişində özləri sükut etdilər. Onların qonaq komandanın azarkeşlərinə hücum etməsi isə kluba etiraz idi”.